អ្នកចាត់ការក្រុម Manchester United លោក Ole Gunnar Solskjaer ត្រូវបានណែនាំដោយ Luke Chadwick ឱ្យកែប្រែជម្រើស ១១នាក់ដំបូងរបស់គាត់ ដើម្បីទទួលបានផលល្អបំផុតពី Cristiano Ronaldo ។ បិសាចក្រហមស្ថិតក្នុងស្ថានភាពច្រួលច្របល់ បន្ទាប់ពីចាញ់ Liverpool ក្នុងផ្ទះខ្លួនឯង។ អ្នកចាត់ការសញ្ជាតិន័រវេសត្រូវតែព្យាយាមឲ្យអស់លទ្ធភាពរបស់គាត់ក្នុងការប្រកួតជាមួយ Tottenham Hotspur ហើយ Ronaldo អាចដើរតួយ៉ាងសំខាន់ក្នុងការស្តារឡើងវិញរបស់បិសាចក្រហម ។
Cristiano Ronaldo បានបានចាប់ផ្តើមយ៉ាងអស្ចារ្យនៅក្នុងការប្រកួតដើមរដូវកាលរបស់ក្របខ័ណ្ឌ Premier League បន្ទាប់ពីត្រលប់មកពីក្រុមសេះបង្កង់ Juventus មកចូលរួមជាមួយ Manchester United ជាថ្មី។ Luke Chadwick ជឿជាក់ថាកីឡាករព័រទុយហ្គាល់រូបនេះ ត្រូវការកីឡាករដែលឧស្សាហ៍ព្យាយាមនៅជុំវិញគាត់ដើម្បីជួយគាត់ឱ្យកាន់តែមានប្រសិ់ទ្ធភាពក្នុងការរកគ្រាប់បាល់។
ថ្លែងទៅកាន់ Caught Offside អតីតខ្សែបម្រើរបស់បិសាចក្រហមបានជំរុញឱ្យ Solskjaer ចាប់ផ្តើមប្រើប្រាស់ Jesse Lingard និង Jadon Sancho ជាមួយ Cristiano Ronaldo ក្នុងតំបន់ប្រយុទ្ធទល់នឹង Spurs ។
Chadwick បានបន្ថែមថា៖ ប្រសិនបើ Solskjaer ប្រើប្រាស់ Ronaldo ជាមួយនឹង Lingard និង Sancho ព្រោះពួកគេជាកីឡាករដែលមានប្រសិទ្ធភាព ហើយទំនងជាដល់ពេលដែល Van de Beek ត្រូវបង្ហាញខ្លួនផងដែរ។
«Ole ត្រូវតែធ្វើការផ្លាស់ប្តូរឥឡូវនេះ ហើយវានឹងមានភាពលេចធ្លោរក្នុងការប្រកួតជាមួយ Tottenham ដើម្បីទទួលបានលទ្ធផលល្អក្នុងការរក្សាកៅអីរបស់ Solskjaer នៅ Old Trafford» នេះជាអ្វីដែល Luke Chadwick បានលើកឡើង៕
សូមទស្សនាវីដេអូខាងក្រោម៖
