ភ្នំពេញ៖ មានការភ្ញាក់ផ្អើលមួយក្រោយមានការចែកចាយបន្តគ្នានៅសារមួយរបស់ Group តេឡេក្រាម ដែលមានឈ្មោះថា AutoPass-BACII ក្នុងន័យស្នើរសុំអោយសិស្សានុសិស្សថ្នាក់ទី១២ អាចជាប់ដោយស្វ័យប្រវត្តិ។
សារមួយនេះក៏ត្រូវបានយកទៅ Comment នៅក្នុងផេកផ្លូវការណ៍របស់សម្តេចតេជោ ហ៊ុន សែន ផងដែរ ដោយមានអត្ថន័យថា “ូមគោរពលោកតាជាទីគោរពដ៏ខ្ពង់ខ្ពស់! ដោយសារតែការសិក្សាតាមប្រព័ន្ធអនឡាញពុំបានដិតដល់រយៈពេល២ឆ្នាំមកនេះ គួបផ្សំនឹងបញ្ហាផ្សេងៗរួមមានទាំងសម្ពាធផ្លូវចិត្តដែលបណ្ដាលមកពីការរីករាលដាលនៃជំងឺកូវីដ១៩ ធ្វើឱ្យប៉ះពាល់យ៉ាងខ្លាំងមកលើការសិក្សា ហើយថ្ងៃប្រឡងបាក់ឌុបក៏កាន់តែខិតជិតមកដល់ ចៅៗដែលជាសិស្សថ្នាក់ទី១២ហាក់ដូចជាពុំមានទំនុកចិត្ត និងចំណេះដឹងគ្រប់គ្រាន់សម្រាប់ការប្រឡងនាពេលខាងមុខនេះឡើយ ហើយការប្រឡងនោះទៀតសោត អត្រាសិស្សធ្លាក់អាចនឹងមានចំនួនដ៏ច្រើនលើសលប់។ ចៅៗសូមធ្វើការស្នើសុំលោកតាក្នុងការពិចារណាសម្រេចឱ្យសិស្សថ្នាក់ទី១២ឆ្នាំសិក្សា ២០២០-២០២១ ជាប់ដោយស្វ័យប្រវត្តិ ហើយចៅៗគាំទ្រឱ្យមានការប្រឡងចូលសាកលវិទ្យាល័យទៅតាមមុខជំនាញសិក្សាជំនួសវិញ ដូច្នេះចៅៗនឹងមានពេលវេលាគ្រប់គ្រាន់ក្នុងការផ្ដោតទៅលើមុខវិជ្ជាដែលចាំបាច់សម្រាប់ការសិក្សារបស់ចៅៗនៅមហាវិទ្យាល័យ”។
ក្នុងការផុត comment ស្នើរសុំយ៉ាងនេះ នៅមិនទាន់មានការបញ្ជាក់អំពីខាងក្រសួងអប់រំនៅឡើយទេ៕
