Jamie Carragher ជឿជាក់ថា Ole Gunnar Solskjaer មិនល្អគ្រប់គ្រាន់សម្រាប់ Manchester United នោះទេ។ ថ្លែងបន្ទាប់ពីការបរាជ័យរបស់ Man Utd ទល់នឹង Liverpool អតីតខ្សែការពាររបស់ហង្សក្រហមបានអះអាងថា អ្នកចាត់ការសញ្ជាតិន័រវេសរូបនេះ មិនស្ថិតក្នុងកម្រិតនៃអ្នកគ្រប់គ្រងកំពូលនៅក្នុងក្របខ័ណ្ឌ Premier League នោះឡើយ។
Carragher បាននិយាយថា៖ «ខ្ញុំគិតថា Ole ធ្វើបានល្អហើយ ប៉ុន្តែដើម្បីយកលើក្រុមរបស់លោក Klopp, Tuchel និង Pep នោះ Manchester United ត្រូវការអ្នកចាត់ការម្នាក់ល្អជាងនេះ។ Ole មិនស័ក្តិសមនឹងដឹកនាំ Manchester United នោះទេ»។
Carragher បន្តថា៖ «គាត់ធ្វើបានល្អមែនទែន ប៉ុន្តែក្លឹបត្រូវការអ្នកផ្សេងម្នាក់ទៀតដើម្បីនាំពួកគេទៅកម្រិតបន្ទាប់។ ជាអកុសលកំរិតរបស់ Solskjaer មិនដល់ Jurgen Klopp, Pep Guardiola ឬ Thomas Tuchel ទេ គ្រប់គ្នាបានឃើញច្បាស់»៕
