ការប្រកួត El Clasico ដែលជាការប្រកួតដ៏អស្ចារ្យមួយនៅក្នុងកីឡាបាល់ទាត់ ហើយឥឡូវនេះវាបានមកដល់ហើយ ខណៈដែលក្រុម Barcelona និង Real Madrid ត្រៀមខ្លួនសម្រាប់ការប្រកួតដ៏ធំមួយនេះនៅថ្ងៃអាទិត្យ។ អ្នកគាំទ្រទាំងអស់នឹងសម្លឹងមើលតារាឆ្នើមមកពីក្រុមណាមួយនឹងងបង្កើតការចងចាំដ៏គួរឱ្យកត់សម្គាល់ ជាពិសេសគឺការស៊ុតបាល់បញ្ចូលទី។
Lionel Messi និង Cristiano Ronaldo បានចូលរួមការប្រកួតនេះអស់រយៈពេលជាច្រើនឆ្នាំ ជាមួយនិងគ្រាប់បាល់ជាច្រើនគ្រាប់។ ទោះបីមិនចូលរួមក្នុងការប្រកួតលើកនេះក៏ដោយ ក៏ពួកគេទាំងពីរ នៅតែជាអ្នករកគ្រាប់បាល់បានច្រើនបំផុតក្នុងប្រវត្តិសាស្ត្រ El Clasico។
កីឡាករល្បីទាំងពីរឈរជាមួយកីឡាករជើងចាស់ផ្សេងទៀត ដែលបានកត់ត្រាឈ្មោះក្នុងប្រវត្តិសាស្ត្រ El Clasico ជាមួយនឹងការរកគ្រាប់បាល់ដ៏អស្ចារ្យរបស់ពួកគេ។ ខាងក្រោមនេះជាបញ្ជីឈ្មោះអ្នករកគ្រាប់បាល់បានច្រើនជាងគេទាំង ៥នាក់ក្នុងប្រវត្តិសាស្ត្រ El Clasico៖
#5 Ferenc Puskas, Francisco Gento, Cesar Rodriguez – 14 គ្រាប់ 
#4 Raul Gonzalez – 15 គ្រាប់ 
#3 Cristiano Ronaldo – 18 គ្រាប់ 
#2 Alfredo di Stefano – 18 គ្រាប់ 
#1 Lionel Messi – 26 គ្រាប់
