ខ្សែការពារជើងចាស់ Giorgio Chiellini បាននិយាយចំៗថា ខ្សែប្រយុទ្ធ Cristiano Ronaldo គួរតែចាកចេញពីក្លិប Juventus ឲ្យលឿនជាងនេះ ដើម្បីឲ្យពួកគេត្រៀមខ្លួនសម្រាប់រៀបចំទម្រង់លេងសារជាថ្មី។
Ronaldo បានចាកចេញពីទឹកដីក្រុង Turin បន្ទាប់ពីចំណាយពេលបីរដូវកាលជាមួយក្លិប ដោយវិលត្រឡប់មកលេងនៅ Manchester United វិញ។
ពិតណាស់ ថាអ្នកគាំទ្រ និងកីឡាកររបស់ Juventus មួយចំនួនមានការសោកស្ដាយដែលកំពូលខ្សែប្រយុទ្ធរូបនេះ សម្រេចចិត្តចែកផ្លូវជាមួយក្លិប ប៉ុន្តែ Chiellini បែរជាគិតថា Ronaldo គួរតែឆាប់ចាកចេញឲ្យលឿនជាងនេះ ព្រោះពួកគេនឹងអាចមានពេលត្រៀមខ្លួនបើករដូវកាលថ្មីដោយគ្មានគេ។
Chiellini និយាយថា៖ «បច្ចុប្បន្ននៅ Juventus គឺពួកយើងដូចកំពុងបានកើតថ្មី ដែលក្លិបនឹងផ្ដល់តម្លៃបន្ថែមដល់ពួកយើង ក្រោយអវត្តមានកំពូលខ្សែព័រទុយហ្គាល់រូបនេះ។ វានឹងល្អសម្រាប់ពួកយើង បើគេចាកចេញមុននេះ។ ពួកយើងមានការភ្ញាក់ផ្អើលណាស់ ហើយពួកយើងត្រូវបាត់បង់ពិន្ទុ បើសិនគេចាកចេញលឿនជាងនេះ ពួកយើងនឹងមានពេលត្រៀមខ្លួនគ្រប់គ្រាន់»៕
