លោក Jesse Marsch គ្រូបង្វឹកក្រុម RB Leipzig បានហៅកីឡាករជួរមុខទាំង ៣ របស់ PSG ថាជា «កំពូលខ្សែប្រយុទ្ធល្អបំផុតនៅលើពិភពលោក» នៅមុនការប្រកួត Champions League របស់ពួកគេនៅថ្ងៃអង្គារនេះ។
គ្រូបង្វឹប RB Leipzig បាននិយាយថា៖ «តំបន់ប្រយុទ្ធរបស់ PSG កំពុងតែអភិវឌ្ឍន៍ទៅរកភាពល្អឥតខ្ចោះ។ យើងត្រូវធ្វើការធ្ងន់ ហើយក្រុមរបស់យើងត្រូវតែខិតខំការពារតារាឆ្នើមរបស់ PSG ដោយភាពក្លាហាន ហើយយើងមានអ្នកចាំទីល្អម្នាក់គឺ Pete Gulácsi។ យើងនឹងតស៊ូដើម្បីទទួលបានពិន្ទុខ្លះ។»។
ក្រុម PSG កំពុងឆ្ពោះទៅរកភាពល្អប្រសើរក្នុងការប្រកួតក្របខ័ណ្ឌ Champions League នាពេលបច្ចុប្បន្ននេះ ប៉ុន្តែកូនក្រុមរបស់លោក Mauricio Pochettino ធ្វើបានត្រឹមលទ្ធផលស្មើជាមួយក្លឹប Club Brugge ដោយបញ្ចប់ក្នុងលទ្ធផល ១-១ ដែលធ្វើឱ្យមានការរិះគន់ជាច្រើន។
ក្លឹបយក្សបារាំង PSG សង្ឃឹមថានឹងទទួលបានជ័យជំនះត្រលប់មកវិញនៅក្នុងក្របខ័ណ្ឌ Champions League នៅពេលពួកគេស្វាគមន៍ក្រុម RB Leipzig មកកាន់កីឡដ្ឋាន Parc des Princes សម្រាប់ការប្រកួតនៅពូល A កាលពីថ្ងៃអង្គារ៕
