Cristiano Ronaldo បានធ្វើឱ្យមិត្តស្រីរបស់គាត់ Georgina Rodriguez ភ្ញាក់ផ្អើលជាមួយនឹងកាដូដ៏មានតម្លៃ ដែលធ្វើឱ្យនាងនិយាយមិនចេញ។
កីឡាករអន្តរជាតិព័រទុយហ្កាល់រូបនេះ នៅពីក្រោយការរកគ្រាប់បាល់បញ្ចូលទីបាន ៣ គ្រាប់ទៀតសម្រាប់ប្រទេសរបស់ខ្លួនទល់នឹងលុចសំបួ ក្នុងកំឡុងពេលប្រកួតអន្ដរជាតិ បានបង្ហាញពីបង្ហាញពីភាពផ្អែមល្ហែម ដោយបានផ្តល់កាដូឱ្យ Georgina នូវប្រអប់គ្រឿងអលង្ការដែលមានតម្លៃជាង ១២ ម៉ឺនអឺរ៉ូ។
រ៉ូណាល់ដូបានផ្តល់អំណោយដល់ Georgina នូវទូដាក់គ្រឿងអលង្ការម៉ាក Louis Vuitton Malle Vendome ដែលមានប្រវែង ១,៣៨ ម៉ែត្រដែលក្នុងនោះរួមមានកញ្ចក់ និងថតចំនួន ៨ ។ នាងបានសរសេរនៅលើបណ្តាញសង្គម Instagram ជាមួយរូបភាពនៃប្រអប់គ្រឿងអលង្ការរបស់នាង ដែលមានការរចនាយ៉ាងប្រណិតថា «ខ្ញុំនិយាយមិនចេញទេ Cristiano»៕
