កំពង់ឆ្នាំង៖ នៅថ្ងៃទី១៦ ខែតុលា ឆ្នាំ២០២១នេះ ក្រុមគ្រូពេទ្យបានចុះចាក់វ៉ាក់សាំងការពារជំងឺកូវីដ១៩ ជូនលោកយាយ សៅ ហោន អាយុ៩៣ឆ្នាំ។
ការចុះចាក់វ៉ាក់សាំងនេះបន្ទាប់ពីលោកយាយបានចង់ចាក់វ៉ាក់សាំង និងបានស្នើសុំអោយក្រុមគ្រូពេទ្យ ទៅចាក់អោយដល់ផ្ទះរបស់គាត់ដោយសារតែលោកយាយមានភាពចាស់ជរានិងពិបាកក្នុងការធ្វើដំណើរ។ ដោយឃើញដូច្នេះលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល បានស្នើសុំទៅប្រធានមន្ទីរសុខាភិបាលខេត្តកំពង់ឆ្នាំង ចាត់ចែងចាក់វ៉ាក់សាំងជូនលោកយាយនៅថ្ងៃនេះហើយ។
គួរបញ្ជាក់ថាលោកយាយ សៅ ហោន មានអាយុ ៩៣ឆ្នាំ រស់នៅភូមិថ្លុកជ្រៅ ឃុំអញ្ចាញរូង ស្រុកបរិបូណ៌ ខេត្តកំពង់ឆ្នាំង បានសម្ដែងនូវអារម្មណ៍របស់គាត់ថា “គាត់ចង់ចាក់វ៉ាក់សាំងការពារជំងឺកូវីដ-១៩ ដែរ ប៉ុន្តែមិនដឹងថា មានលទ្ធភាពធ្វើដំណើរទៅ មណ្ឌលសុខភាព ឬមន្ទីរពេទ្យបាន ដោយសារតែគាត់មានវ័យចាស់ជរា លំបាកក្នុងការធ្វើដំណើរ។ ហើយលោកយាយបន្ថែមទៀងថាមានគ្រូពេទ្យ មកចាក់វ៉ាក់ជូនគាត់ ដល់ផ្ទះ លោកយល់ព្រមអោយចាក់ភ្លាម មិនរុញរាឡើយព្រោះអាចការពារ ពីជំងឺដ៏សាហាវ១នេះ៕
