ក្រុមគោព្រៃ U-23 របស់កម្ពុជា បានធ្វើដំណើរទៅដល់ប្រទេសជប៉ុន កាលពីថ្ងៃសុក្រ ដើម្បីចូលរួមក្នុងការប្រកួតពានរង្វាន់ AFC U23 ASIAN CUP ដែលនឹងប្រព្រឹត្តិទៅនៅប្រទេស អ៊ូសបេគីស្ថាន។
ក្នុងដំណើរចេញទៅប្រកួតនេះ កីឡាករសរុបមានចំនួន ២៣នាក់ ដែលមានអាយុក្រោម ២៣ឆ្នាំ ប៉ុន្តែមកទល់នឹងពេលនេះ ក្រុម U-23 របស់កម្ពុជានៅសល់គ្នាត្រឹមតែ ២២នាក់ប៉ុន្នោះ ដោយសារតែកីឡាករ គីរីណា របស់ក្លឹបខេត្តព្រៃវែង បានសម្រេចចិត្តដកខ្លួនចេញពីបញ្ជីឈ្មោះកីឡាករក្រុមជម្រើសជាតិ ដោយមូលហេតុរូបគេជាប់ពាក់ព័ន្ធនឹងសមាជិកក្រុមជម្រើសជាតិឈុតធំដែលវិជ្ជមានកូវីដ-១៩ នៅប្រទេសបារ៉ែន។
បញ្ជាក់ផងដែរថា ប្រសិនបើក្នុងករណី ក្រុម U-23 កម្ពុជា រកឃើញអ្នកវិជ្ជមានកូវីដ-១៩ នោះក្រុមទាំងមូលនឹងត្រូវដកចេញពីការប្រកួតតែម្តង ដែលនេះជាមូលហេតុ គីរីណា សម្រេចចិត្តដកខ្លួនចេញពីការប្រកួត៕
