ព្រះសីហនុ៖ សមត្ថកិច្ចឲ្យដឹងជាបឋមថា មានគ្រោះថ្នាក់ចរាចរណ៍វេលាម៉ោងជាង១០យប់ថ្ងៃទី១៥.១០.២០២១នេះ លើផ្លូវជាតិលេខ៤ ជិតស្ពានទឹកសាប ស្ថិតក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ រវាងដោយរថយន្ដ ០១គ្រឿងម៉ាក CAMERY ពណ៌ខៀវ ពាក់ផ្លាកលេខភ្នំពេញ 2G-4863 ដែលមានទិស ដៅពីភ្នំពេញ ទៅខេត្តព្រះសីហនុ (អ្នកបើកបរមិនស្គាល់អត្តសញ្ញាណ)មកដល់ចំណុចខាងលើរថយន្ដនេះបានរេចង្កូតមកខាងឆ្វេងដៃ រួចក៍បុករថយន្ដ ០១គ្រឿង ម៉ាកTRACTOR ដឹកកុងតឺនរ័ ពាក់ផ្លាកលេខ ភ្នំពេញ3B-8484 ដែលមានទិសដៅផ្ទុយគ្នា (អ្នកបើកបរមិនស្គាល់អត្តសញ្ញាណ) ។
គ្រោះថ្នាក់ខាងលើបណ្ដាលអោយភាគីខាងរថយន្តតូចមានមនុស្ស៣នាក់ស្លាប់រួមមាន៖
០១.មិនស្គាល់អត្តសញ្ញាណអ្នកបើកបរ(ប្រុស)
០២.មិនស្គាល់អត្តសញ្ញាណ អ្នករួមដំណើរ(ស្រី)
០៣.ឈ្មោះ សួង លីប ភេទប្រុស អាយុ២១ឆ្នាំ អ្នករួមដំណើរ រថយន្ដ របួសធ្ងន់(ស្លាប់ក្រោយបញ្ជូនទៅមន្ទីរពេទ្យ)។
ក្រោយកើតហេតុ សមត្ថកិច្ចបានចាត់ចែង ស្រាវជ្រាវស្វែងរកសាច់ញាតិ ជនរងគ្រោះ រីឯវត្ថុតាងបាន យកមករក្សាទុកបណ្ដោះអាសន្ន នៅអធិការដ្ឋាននគរបាលស្រុកព្រៃនប់ ។ដោយឡែកអ្នកបើរបររថយន្ដដឹកកុងតឺនរ័ បានចុះរត់គេចខ្លួនបាត់ក្រោយពេលកើតហេតុ៕
ប្រភព៖ Huy Bunleng
