Cristiano Ronaldo ត្រូវបានបញ្ចូលទៅក្នុងបញ្ជីឈ្មោះកីឡាករទាំង ៣០ នាក់សម្រាប់ប្រជែងពានរង្វាន់ Ballon d’Or ឆ្នាំ ២០២១។ លោក Jorge Mendes ដែលជាភ្នាក់ងាររបស់ CR7 ជឿជាក់ថាតារាឆ្នើមសញ្ជាតិព័រទុយហ្គាល់រូបនេះមានគុណសម្បត្តិគ្រប់គ្រាន់ដើម្បីឈ្នះពានរង្វាន់នេះជាលើកទី ៦ របស់គាត់។
លោក Jorge Mendes បាននិយាយថា៖ «Cristiano Ronaldo ស័ក្តិសមបំផុតដើម្បីឈ្នះពានរង្វាន់ Ballon d’Or»។ គាត់បានស៊ុតបាល់បញ្ចូលទី ១១៥ គ្រាប់សម្រាប់ព័រទុយហ្កាល់ ហើយបានក្លាយជាអ្នកកាន់តំណែងកំណត់ត្រាពិភពលោកជាមួយក្រុមជម្រើសជាតិ ហើយគាត់បន្តបង្ហាញថាគាត់គឺជាកីឡាករល្អបំផុតក្នុងប្រវត្តិសាស្ត្របាល់ទាត់។
Mendes បានបន្ថែមថា៖ «កុំភ្លេចថា Cristiano គឺជាអ្នកស៊ុតបញ្ចូលទីច្រើនជាងគេនៅក្នុងការប្រកួតជើងឯកអ៊ីតាលី គាត់គឺជាអ្នកស៊ុតបញ្ចូលទីច្រើនជាងគេនៅក្នុងការប្រកួតជើងឯកអឺរ៉ុបចុងក្រោយ»។ តាមទស្សនៈរបស់ខ្ញុំបាល់មាសបេក្ខភាពដែលស័ក្តិសមបំផុតគឺ Cristiano Ronaldo។
បញ្ជាក់ផងដែរថា អ្នកឈ្នះពានរង្វាន់ Ballon d’Or ឆ្នាំ ២០២១ នឹងត្រូវប្រកាសដោយទស្សនាវដ្តីបារាំង France Football នៅថ្ងៃទី ២៩ ខែវិច្ឆិកាខាងមុខនេះ៕
