បន្ទាប់ពី Raphael Varane ត្រូវចាកចេញពីកាប្រកួត Nations League វគ្គផ្តាច់ព្រ័ត្រជាមួយអេស្ប៉ាញដោយសារបញ្ហារបួស វាបានបន្តបង្កើតជាបញ្ហាសម្រាប់ក្លឹប Manchester United ហើយឥឡូវនេះក្លឹបនឹងគ្មានខ្សែការពារកណ្តាលពីរនាក់របស់ពួកគេ។
របួសរបស់កីឡាករសញ្ជាតិបារាំងរូបនេះ ធ្វើឲ្យបិសាចក្រហមប្រឈមនឹងបញ្ហាតំបន់ការពារធ្ងន់ធ្ងរ ដែលវាមើលទៅដូចជាក្រុមនេះនឹងមិនមានវត្តមាន Varane និង Harry Maguire សម្រាប់ការប្រកួតនៅចុងសប្តាហ៍នេះទេ។
បញ្ជាក់ផងដែរថា Varane បានចូលរួមជាមួយ Manchester United ពី Real Madrid ក្នុងតម្លៃប្រហែល ៥០ លានអឺរ៉ូ ហើយកីឡាកររូបនេះត្រូវបានជំនួសដោយ Dayot Upamecano ខណៈដែលបារាំងបានយកឈ្នះលើអេស្ប៉ាញយ៉ាងតឹងតែង ដើម្បីលើកពាន Nations League ឆ្នាំ ២០២១៕
