កំពូលតារាបាល់ទាត់ប្រេស៊ីល Neymar បានបង្ហើបថា ពេលវេលាកំណត់ក្នុងអាជីពអន្តរជាតិរបស់ខ្លួននឹងបញ្ចប់ បន្ទាប់ពីការប្រកួត World Cup ឆ្នាំក្រោយនេះ។
ខ្សែប្រយុទ្ធរបស់ក្រុម Paris Saint-Germain បានបង្ហាញខ្លួនចំនួន ១១៣ លើកសម្រាប់ក្រុម Selecao ដោយបានបង្ហាញខ្លួនជាលើកដំបូងក្នុងនាមជាកីឡាករវ័យ ១៨ ឆ្នាំកាលពីឆ្នាំ ២០១០ ។
Neymar បន្តរកគ្រាប់បាល់បាន ៦៩ គ្រាប់សម្រាប់ក្រុមជម្រើសជាតិ ដោយជួយក្រុមឱ្យឈ្នះពានរង្វាន់ Confederations Cup ក្នុងឆ្នាំ ២០១៣ និង Olympic Gold នៅឆ្នាំ ២០១៦ ។
ទោះយ៉ាងណាឥឡូវនេះ Neymar មានអាយុ ២៩ ឆ្នាំហើយ ខណៈដែលគេបានបង្ហើបថា នឹងចូលនិវត្តន៍បន្ទាប់ពីការប្រកួតបាល់ទាត់ពិភពលោកនៅរដូវក្តៅខាងមុខនេះនៅប្រទេសកាតា៕
