លោក Jose Mourinho បានបង្ហាញភាពរីករាយ ដែលឃើញលោក Gareth Southgate បានកត់សំគាល់ពីដំបូន្មានលើកីឡាករ Tammy Abraham របស់គាត់។
គ្រូបង្វឹកក្រុមជម្រើសជាតិអង់គ្លេសលោក Gareth Southgate បានបន្ថែមខ្សែប្រយុទ្ធ Tama Abraham និងខ្សែការពារឆ្វេងរបស់ក្រុមតោខៀវ Chelsea កីឡាករ Ben Chilwell ទៅក្នុងក្រុមជម្រើសជាតិអង់គ្លេស ក្រោយកីឡាករ Reece James រងរបួស។
ខ្សែការពារស្ដាំរបស់អង់គ្លេស James ត្រូវបានកោះហៅឱ្យចូលក្រុមដំបូងរបស់ Southgate ប៉ុន្តែអ្នកចាត់ការទូទៅរបស់ក្រុមតោខៀវលោក Thomas Tuchel បានប្រាប់ថា ខ្សែការពារវ័យ ២១ឆ្នាំរូបនេះ នឹងមិនមានវត្តមាននៅក្នុងការប្រកួតជម្រុះ World Cup ទល់នឹង Andorra និង Hungary ឡើយ។
គួររំលឹកថា James បានរងរបួសកជើងអំឡុងការប្រកួតក្របខ័ណ្ឌ Premier League ជាមួយក្រុម Manchester City នៅចុងខែកញ្ញា និងខកខានការប្រកួតជាបន្តបន្ទាប់ទល់នឹង Juventus និង Southampton ។
ទោះជាយ៉ាងណា កីឡាករ Chilwell ត្រូវបានជំនួស James ដែលអតីតមិត្តរួមក្រុមរបស់គាត់នៅកីឡដ្ឋាន Stamford Bridge ក៏ទទួលបានការហៅតាមទូរស័ព្ទជាលើកដំបូង ចាប់តាំងពីខែវិច្ឆិកាឆ្នាំ ២០២០៕
