Cristiano Ronaldo បានស៊ុតបាល់បញ្ចូលទី ៤ គ្រាប់ក្នុង ៣ ប្រកួតចាប់តាំងពីការវិលត្រឡប់មកកាន់ក្លឹប Manchester United វិញ។ ខណៈពេលដែលអ្នកគាំទ្រ និងអ្នកជំនាញបានចាប់អារម្មណ៍ពីទម្រង់លេងរបស់គាត់នៅលើទីលាន ព្រមទាំងសកម្មភាពក្រៅទីលានរបស់គាត់ ហើយវាកំពុងតែក្លាយជាប្រធានបទដែលចាប់អារម្មណ៍បំផុត។
អតីតគ្រូបង្វឹកក្រុម Tottenham លោក Tim Sherwood បានធ្វើការអះអាងខ្លះអំពីអនាគតរបស់ Cristiano Ronaldo នៅ Manchester United ។ ដោយពន្យល់ថា Ronaldo មានគុណសម្បត្តិជាគ្រូបង្វឹក លោក Sherwood បាននិយាយថា៖ «យើងបានឃើញរួចមកហើយអំពីចរិតលក្ខណៈរបស់គាត់នៅលើឆាកអន្តរជាតិ ឧទាហរណ៍នៅក្នុងការប្រកួតពានអឺរ៉ុប ដូចជាការឈរបញ្ជារពីខាងក្រៅ។ គាត់ដឹងថាវាចាំបាច់ប៉ុណ្ណា ហើយគាត់មានអារម្មណ៍ថាគាត់ត្រូវតែនៅជាមួយគ្រូបង្វឹក និងផ្តល់ការណែនាំ»។
Cristiano Ronaldo inspiring his Manchester United teammates. ?
Always a leader.pic.twitter.com/pP0v6w41jQ
— CristianoXtra (@CristianoXtra_) September 19, 2021
ផ្អែកលើវីដេអូខាងលើនេះ លោក Sherwood ក៏បានធ្វើការព្យាករណ៍យ៉ាងក្លាហាន អំពីការចាកចេញរបស់លោក Ole Gunnar Solskjaer ពីក្រុមបិសាចក្រហម Manchester United ផងដែរ។ លោក Sherwood បានបន្ថែមថា៖ «Cristiano Ronaldo អាចជាអ្នកជំនួសតំណែងលោក Solskjaer នាពេលណាគត»។ «CR7 អាចនឹងក្លាយជាគ្រូបង្វឹក ខ្ញុំប្រាកដក្នុងចិត្ត។ ខ្ញុំជឿជាក់ថាគាត់នឹងក្លាយជាគ្រូបង្វឹករបស់ក្រុមបិសាចក្រហមក្នុងរយៈពេល ១៨ ខែ។ ប្រសិនបើ United ឈ្នះពាន Premier League, Champions League ឬ FA Cup នោះ Solskjaer នឹងបន្ត។ ប្រសិនបើរឿងនោះមិនកើតឡើង ខ្ញុំគិតថាពួកគេមានគ្រូបង្វឹកម្នាក់នៅទីនោះ ដើម្បីរៀបចំ»៕
