លោក Carlo Ancelotti បានសម្រេចចិត្តកោះហៅខ្សែការពារស្ដាំ Castilla កីឡាករ Sergio Santos មកចូលរួមការប្រកួត LaLiga Santander របស់ក្រុម Real Madrid នៅទឹកដី Real Mallorca នៅយប់ថ្ងៃពុធនេះ។
Real Madrid នឹងមិនមាន Dani Carvajal, Ferland Mendy និង Marcelo សម្រាប់ការប្រកួតទល់នឹងក្រុម Mallorca នោះទេ ហើយគេរំពឹងថា Lucas Vazquez នឹងលេងនៅខ្សែការពារស្តាំដោយមាន Sergio Santos វ័យ ២០ ឆ្នាំនៅទីនោះ។
សូមជម្រាបថា Toni Kroos, Gareth Bale និង Dani Ceballos នៅតែមិនអាចចូលលេងបានទេ ខណៈដែល Mariano Diaz ដែលបានជួបបញ្ហាសាច់ដុំក្នុងរយៈពេលប៉ុន្មានថ្ងៃចុងក្រោយនេះផងដែរ៕
