Cristiano Ronaldo ត្រូវបានបុគ្គលិករបស់ភ្នាក់ងារទេសចរណ៍មួយ ឆបោកប្រហែល ២៨៨.០០០ អឺរ៉ូ។ស្ត្រីដែលជាប់ពាក់ព័ន្ធដែលត្រូវបានប្រគល់ឱ្យនូវព័ត៌មានលំអិត នៃកាតឥណទានរបស់ Ronaldo បានប្រព្រឹត្តអំពើលួចបន្លំក្នុងរយៈពេលបីឆ្នាំ។
របាយការណ៍ដែលចេញផ្សាយដោយកាសែត ‘Jornal de Noticias’ បានបង្ហាញថា ប្រាក់សរុបត្រូវបានបោកប្រាស់តាមរយៈការធ្វើដំណើរចំនួន ២០០ ដង ដែលតារាឆ្នើមព័រទុយហ្គាល់រូបនេះ មិនធ្លាប់មាន។
ខ្សែប្រយុទ្ធរបស់ក្រុមបិសាចក្រហម Manchester United មិនមែនជាមនុស្សតែម្នាក់គត់ ដែលត្រូវបានគេលួចបន្លំនោះទេ ដោយអ្នកតំណាងរបស់គាត់គឺលោក Jorge Mendes ក៏ដូចជាមិត្តរួមក្រុម Nani និង Manuel Fernandes ក៏ត្រូវបានគេបោកប្រាស់ដែរ។
បញ្ជាក់ផងដែរថា ស្ត្រីវ័យ ៥៣ ឆ្នាំរូបនេះបានលួចប្រាក់សរុបចំនួន ៣៥០.០០០ អឺរ៉ូ ហើយត្រូវបានផ្តន្ទាទោសនៅឆ្នាំ ២០១៧ ឱ្យជាប់ពន្ធនាគារ ៤ ឆ្នាំ។ បច្ចុប្បន្ននាងកំពុងសងទៅអតីតថៅកែរបស់នាង ជាមួយនឹងការបង់ប្រាក់ប្រចាំខែ សម្រាប់ចំនួនទឹកប្រាក់ដែលមិនបានបង្ហាញ៕
