ការមកដល់របស់ Cristiano Ronaldo ពិតណាស់បាននឹងកំពុងជះឥទ្ធិពលខ្លាំង នៅក្នុងក្រុមបិសាចក្រហម ដោយក្លិបត្រូវតែគិតគូរឲ្យបានលឿន អំពីការបញ្ចេញកីឡាករមួយចំនួន ជាពិសេសគឺនៅតំបន់ប្រយុទ្ធផ្ទាល់តែម្តង ។
កន្លងមកយើងលឺថា Edinson Cavani អាចជាអ្នកនឹងចែកផ្លូវ ក្រោយ CR7 មកដល់ តែតាមរបាយការណ៍ចុងក្រោយពី The Mirror បានចុះផ្សាយថា អនាគតអ្នកដែលមិនប្រាកដប្រជាខ្លាំបំផុតនោះ មិនមែនជាខ្សែប្រយុទ្ធអ៊ុយរុយហ្គាយទេ ផ្ទុយទៅវិញគឺជាកីឡាករបារាំង Anthony Martial។
ខ្សែប្រយុទ្ធអន្តរជាតិបារាំងវ័យ ២៥ ឆ្នាំរូបនេះ មានដំណឹងអំពីការផ្ទេរទៅក្លឹបមួយចំនួន តាំងពីរដូវក្តៅកន្លងទៅ តែទំនងជាពេលវេលាចរចាស្តួចស្តើងពេក ទើបការផ្ទេរមិនអាចសម្រេចទៅបាន។ អតីតកាលគេធ្លាប់ជាកីឡាករសំណព្វចិត្តរបស់ម្ចាស់ក្លឹប គឺលោក Joel Glazer ដោយរក្សាទុកមិនចង់លក់ទេ បើទោះបីលេងមិនសូវបានល្អក៏ដោយ តែមកទល់ពេលនេះគឺត្រូវបង្ខំចិត្ត ហើយព្រោះមិនអាចទុកឲ្យគរជើង ក្នុងតំបន់ប្រយុទ្ធបាននោះទេ។
គួររំលឹកថា Martial នៅសល់សុពលភាពកុងត្រាជាជាមួយ Old Trafford រយៈពេល ៣ឆ្នាំទៀត ហើយគាត់បានបង្ហាញខ្លួនចំនួន ២៦១ប្រកួតឲ្យក្លឹបបិសាចក្រហម ដោយរកបាន ៧៨គ្រាប់ និង Assist ៥០ លើក៕
