កីឡាករអាហ្សង់ទីន ៤ នាក់នឹងត្រូវបណ្ដេញចេញពីប្រទេសប្រេស៊ីល បន្ទាប់ពីរកឃើញថាបានរំលោភបទបញ្ជាចត្តាឡីស័ក និងផ្ដល់ព័ត៌មានសុខភាពមិនពិតដល់អាជ្ញាធរសុខាភិបាល។ អត្តពលិកទាំង ៤នាក់ បានធ្វើដំណើរជាមួយប្រទេសរបស់ពួកគេ សម្រាប់ការប្រកួតអន្តរជាតិនៅខែកញ្ញានេះ ទោះបីជាការប្រកួតនៅ Premier League មានការរឹតត្បិតលើការធ្វើដំណើរក៏ដោយ។
បន្ទាប់ពីរបាយការណ៍ថា កីឡាករអាហ្សង់ទីន ៤នាក់ ដែលមានដូចជា៖ Emiliano Martinez, Emiliano Buendia, Cristian Romero និង Giovani Lo Celso បានចូលប្រេស៊ីលដោយប្រឆាំងនឹងបទបញ្ជារបស់ប្រទេស ដោយចោទថាផ្តល់ព័ត៌មានមិនពិត ដល់អាជ្ញាធរសុខាភិបាលប្រេស៊ីល នៅថ្ងៃអាទិត្យនេះ។
យ៉ាងណាមិញ អាជ្ញាធរប្រេស៊ីល បានពិនិត្យឡើងវិញនូវលិខិតឆ្លងដែនរបស់អត្តពលិកទាំង ៤នាក់ខាងលើ ថាតើពួកគេបានរំលោភច្បាប់ការធ្វើដំណើរនៅលើទឹកដីប្រេស៊ីល ដែលបានសំរេចថា អ្នកទេសចរបរទេស ដែលបានទៅចក្រភពអង់គ្លេស អាហ្វ្រិកខាងត្បូង អៀរឡង់ខាងជើង និងឥណ្ឌា ក្នុងរយៈពេល ១៤ ថ្ងៃចុងក្រោយនេះ ត្រូវបានហាមឃាត់មិនឱ្យចូលប្រទេសប្រេស៊ីលជាដាច់ខាត៕
