ការវិលត្រឡប់របស់ Cristiano Ronaldo មកកាន់ Manchester United បានធ្វើឱ្យមានការភ្ញាក់ផ្អើលមួយកាលពីថ្ងៃសុក្រ សូម្បីតែអតីតមិត្តរួមក្រុមបិសាចក្រហម លោក Ricardo Lopez ក៏ដោយ។
ខ្សែប្រយុទ្ធសញ្ជាតិព័រទុយហ្កាល់រូបនេះ បានត្រៀមខ្លួនរួចជាស្រេចក្នុងការចូលរួមជាមួយគូប្រជែងរបស់ក្រុម Manchester City ដើម្បីប្រជែងម្ចាស់ជើងឯកក្របខ័ណ្ឌ Premier League ។
Ricardo បានប្រាប់ MARCA ថា៖ «ខ្ញុំមានការភ្ញាក់ផ្អើលដែល Cristiano Ronaldo ត្រលប់ទៅ Man Utd »។ ថ្វីបើមិនបានឈ្នះពានរង្វាន់ចាប់តាំងពីលោក Sir Alex Ferguson ចូលនិវត្តន៍ក៏ដោយ ក៏ Ricardo សង្ឃឹមថាក្លឹបអាចចាប់ផ្តើមនៅពេលនេះ ព្រោះថា Cristiano Ronaldo បានត្រលប់មកវិញហើយ។
Ricardo បាននិយាយថា៖ «ការមកដល់របស់Cristiano Ronaldo គួរតែផ្តល់នូវភាពវិជ្ជមាន។ ឥឡូវនេះពួកគេគឺជាបេក្ខភាព ដើម្បីឈ្នះអ្វីៗទាំងអស់» ៕
