អតីតកីឡាករឆ្នើមបារាំង Thierry Henry បានផ្ញើការព្រមានមួយទៅ Lionel Messi និង PSG ដោយទទូចថា“ តុល្យភាពគឺសំខាន់បំផុត” ខណៈដែលពួកគេប្រាថ្នាចង់ក្លាយជាក្រុមកំពូលនៅក្នុងពិភពបាល់ទាត់។
ទោះជាយ៉ាងណា PSG បានបន្ថែម Messi ទៅក្នុងក្រុមរបស់ពួកគេ កាលពីសប្តាហ៍មុន បន្ទាប់ពីការចាកចេញដ៏គួរឱ្យភ្ញាក់ផ្អើលរបស់គាត់ពីបាសេឡូណា ដោយបានប្តេជ្ញាចិត្តចុះកិច្ចសន្យារយៈពេល ២ ឆ្នាំនៅ Parc des Princes បន្ទាប់ពីបានចំណាយពេលវេលានៃអាជីពរបស់គាត់អស់រយៈពេល ២១ ឆ្នាំនៅទឹកដី Camp Nou។
ទន្ទឹមនឹងនោះដែរ Messi បានចូលរួមជាមួយ Donnarumma, Georginio Wijnaldum និង Sergio Ramos ក្នុងការចុះហត្ថលេខាជាមួយក្លឹបមាន់គកបារាំង ក្នុងការផ្ទេរដោយឥតតម្លៃខ្លួន ខណៈដែល Achraf Hakimi ក៏ត្រូវបានគេនាំមកពី Inter Miland ដែរប៉ុន្តែ Henry ជឿជាក់ថាការចាយលុយដ៏ច្រើនសន្ធឹកសន្ធាប់បែបនេះ ក៏នឹងមិនអាចធានាដល់ភាពជោគជ័យរបស់ក្លឹបក្នុងរដូវកាល ២០២១-២២ នោះឡើយ។
តែទោះជាយ៉ាងណា PSG នឹងមានទំនុកចិត្តក្នុងការដណ្តើមពានរង្វាន់ Ligue 1 មកវិញពីក្រុម Lille បន្ទាប់ពីការមកដល់របស់កំពូលកីឡាករ Messi ដែលគោលដៅសំខាន់របស់ពួកគេសម្រាប់រដូវកាលនេះ គឺធ្វើយ៉ាងណាឈ្នះពានរង្វាន់ Champions League ជាលើកដំបូងនៅក្នុងប្រវត្តិសាស្ត្ររបស់ពួកគេឲ្យបាន៕
