ក្លិបហង្សក្រហម Liverpool បានបញ្ជាក់កាលពីថ្ងៃអង្គារថាកីឡាករ Fabinho បានប្តេជ្ញាបន្តនៅឯកីឡាដ្ឋាន Anfield ដោយចុះហត្ថលេខា លើកិច្ចសន្យាថ្មីរយៈពេល ៥ឆ្នាំ ក្រោយជាសះស្បើយពីរបួស។
កីឡាករសញ្ជាតិប្រេស៊ីលវ័យ ២៧ឆ្នាំរូបនេះ បានចូលរួមជាមួយក្រុមហង្សក្រហម Liverpool ក្នុងឆ្នាំ ២០១៨ ហើយបានបង្ហាញពីសមត្ថភាព កីឡាករដ៏មានតម្លៃសម្រាប់ហង្សក្រហម ដោយបំពេញបន្ថែមនៅ centre-back or right-back ក៏ដូចជាតួនាទីខ្សែបម្រើ ដែលគាត់ពេញចិត្ត។
គួររំលឹកថា ក្រុមលោក Jurgen Klopp ដែលញាំញីដោយរបួស កាលពីរដូវកាលមុន ឥឡូវស្ថានភាពបានធូរស្រាលជាងមុន និងបានទទួលរនាំងការពារយ៉ាងរឹងមាំ ដោយកិច្ចព្រមព្រៀងថ្មី ដែលនឹងបន្តរហូតដល់ឆ្នាំ ២០២៦៕
