ទីបំផុត ក្រុមបិសាចក្រហម Manchester United បានយល់ព្រមលើកិច្ចព្រមព្រៀង ដើម្បីចុះហត្ថលេខាលើខ្សែការពារកណ្តាលសញ្ជាតិបារាំង Raphael Varane ពីក្រុម Real Madrid តម្លៃ៤១ លានផោន (៥៧ លានដុល្លារ) សម្រាប់ខ្សែការពាររូបនេះ ហើយរូបគេត្រូវបានគេរំពឹងថា នឹងបញ្ចប់ការផ្ទេររបស់គេ បន្ទាប់ពីទទួលបានការព្យាបាល។
Varane នឹងក្លាយជាការចុះហត្ថលេខាដ៏សំខាន់ទី ២ របស់ United នៅរដូវក្តៅនេះ បន្ទាប់ពីការមកដល់របស់ Jadon Sancho ដែល United បានឈានដល់កិច្ចព្រមព្រៀង ដើម្បីចុះហត្ថលេខានៅដើមខែនេះក្នុងតម្លៃ ៧៣ លានផោន (១០១ លានដុល្លារ)។
យ៉ាងណាមិញ អនាគតរបស់ Paul Pogba នៅតែមិនទាន់មាននៅឡើយ ដោយក្លឹប និងកីឡាករមិនទាន់យល់ព្រមលើលក្ខខណ្ឌ ទាក់ទងនឹងកិច្ចសន្យាថ្មី។ លោក Solskjaer បាននិយាយថា កិច្ចពិភាក្សាកំពុងបន្ត ជាមួយតំណាងរបស់ Pogba ប៉ុន្តែក្លឹបនឹងបាត់បង់ខ្សែបម្រើរូបនេះ ដោយមិនគិតថ្លៃផ្ទេរនៅរដូវក្តៅក្រោយ ប្រសិនបើគាត់មិនដាក់ប៊ិច ទៅលើកិច្ចព្រមព្រៀងថ្មី៕
