Paul Pogba កំពុងមានចំណាប់អារម្មណ៍ ចង់ចាកចេញពីក្រុមបិសាចក្រហម Manchester United បន្ទាប់ពីមានសេចក្តីរាយការណ៍ថា បានច្រានចោលនូវកុងត្រាថ្មី។ កីឡាករបារាំងរូបនេះបានទាក់ទាញចំណាប់អារម្មណ៍ពី Paris Paris-German និង Juventus នៅរដូវក្តៅនេះ។
ការផ្តល់ជូនកុងត្រាចុងក្រោយ របស់ក្រុមបិសាចក្រហម Manchester United ចំពោះ Paul Pogba ត្រូវបានច្រានចោលដោយយោងតាម Mirror Football បានអះអាងថា ក្រុមបិសាចក្រហមបានផ្តល់តម្លៃខ្លួនដូចទៅកុងត្រាចាស់ ដល់ខ្សែបម្រើរូបនេះ នៅក្នុងកិច្ចសន្យាប្រាក់ឈ្នួលបច្ចុប្បន្ន ព្រមទាំងជាកិច្ចសន្យារយៈពេលវែងទៀតផង។
ទោះយ៉ាងណាខ្សែបម្រើរូបនេះ បានសំរេចចិត្តបដិសេធការផ្តល់ជូន និងចង់ផ្លាស់ទៅក្លឹបថ្មី នៅរដូវក្តៅនេះ។ ក្រុមបិសាចក្រហម Manchester United កំពុងតែចង់លក់រូបគេ ខណៈដែលរូបគេនៅសល់ពេលតិចជាង ១២ ខែលើកិច្ចព្រមព្រៀងបច្ចុប្បន្នរបស់គេ។
Paris Saint-Germain កំពុងនាំមុខគេក្នុងការប្រជែងយក Pogba ហើយពួកគេបានត្រៀមប្រាក់ចំនួន ៤៥ លានផោនរួចជាស្រេច ដើម្បីចុះកុងត្រាកីឡាករសញ្ជាតិបារាំងរូបនេះ។ ក្រុមនៅ Ligue 1 មានសំណើរកុងត្រារួចរាល់ហើយ ដែលធ្វើឲ្យកីឡាករសញ្ជាតិបារាំងរូបនេះ ទទួលបានប្រាក់ពលកម្ម ១០០,០០០ផោនក្នុងមួយសប្តាហ៍ ដែលច្រើនជាងការផ្តល់ជូនដោយក្រុម Manchester United ។
ក្រៅពី PSG, Real Madrid និង Juventus ក៏ធ្លាប់មានទំនាក់ទំនងជាមួយ Paul Pogba ប៉ុន្តែរបាយការណ៍បានបង្ហាញថា Los Blancos បានផ្តល់ចំណាប់អារម្មណ៍ខ្លាំងជាងគេ៕
