ក្រុម Manchester City ត្រូវបានគេរាយការណ៍ថា បានត្រៀមខ្លួនរួចជាស្រេចក្នុងការនាំយក Federico Chiesa នៅរដូវក្តៅនេះ។ កីឡាកររូបនេះ រីករាយនឹងរដូវកាល ២០២០-២០២១ ជាមួយក្រុម Juventus និងអ៊ីតាលី។ បច្ចុប្បន្នរូបគេត្រូវបានក្លឹបកំពូលៗ មួយចំនួននៅអឺរ៉ុបដាក់គោលដៅចង់បាន។
យោងតាមការចុះផ្សាយរបស់ Calciomercato បានអោយដឹងថា លោក Pep Guardiola មានការចាប់អារម្មណ៍ ចំពោះទម្រង់លេងរបស់ Chiesa សម្រាប់ជម្រើសជាតិអ៊ីតាលីនៅយូរ៉ូ ២០២០ ហើយត្រៀមខ្លួនរួចរាល់ក្នុងការផ្លាស់ប្តូរកីឡាកររូបនេះមកកាន់ទឹកដីអង់គ្លេស។ ក្រុម Bayern Munich និង Chelsea ក៏ត្រូវបានគេរាយការណ៍ថា ចាប់អារម្មណ៍ក្នុងការចុះហត្ថលេខា លើកីឡាករសញ្ជាតិអ៊ីតាលីរូបនេះផងដែរ។
បច្ចុប្បន្ន Juventus មិនមានចេតនាចង់លក់ Chiesa ទេ ប៉ុន្តែតាមសេចក្តីរាយការណ៍ថា អាចនឹងទទួលយកការដេញថ្លៃចំនួន ១២០-១៥០លានផោន ហើយគេនៅចាំមើលថា តើក្លឹបណាខ្លះហ៊ានចំណាយលើតម្លៃនេះ៕
