ក្លិបបារាំង Paris Saint-Germain ហាក់ដូចជាបានបញ្ជាក់រួចរាល់ហើយ ពីការចុះហត្ថលេខារបស់ Sergio Ramos ដោយចៃដន្យ បន្ទាប់ពីខ្សែការពាររូបនេះ បានបញ្ចប់ផ្លូវគ្នាជាមួយ Real Madrid។
ជាក់ស្ដែង Ramos ត្រូវបានគេមើលឃើញនៅឯទឹកដី Parc des Princes កាលពីថ្ងៃពុធ ហើយត្រូវបានគេរំពឹងថា នឹងត្រូវប្រកាសជាផ្លូវការ ជាកីឡាករថ្មីរបស់ PSG នៅថ្ងៃព្រហស្បតិ៍នេះផងដែរ។
គួរបញ្ជាក់ថា PSG ហាក់ដូចជាមានចេតនាចង់ឱ្យបែកធ្លាយព័ត៌មាន ដោយបានបង្ហោះអត្ថបទនៅលើគេហទំព័រផ្លូវការរបស់ពួកគេ កាលពីថ្ងៃពុធ ដែលបានបញ្ជាក់ថា Ramos នឹងពាក់អាវលេខ ៤ នៅប៉ារីស។ បន្ទាប់មកអត្ថបទត្រូវបានលុបចោលយ៉ាងឆាប់រហ័ស៕
