ក្លិបអង់គ្លេស Leeds United បានចុះហត្ថលេខាផ្ទេរ ខ្សែការពារ Junior Firpo ពី Barcelona ក្នុងតម្លៃប្រមាណ ១៣លានផោន ជាមួយនឹងកិច្ចសន្យារយៈពេល៤ឆ្នាំ។
ខ្សែការពារអេស្ប៉ាញវ័យ ២៤ឆ្នាំរូបនេះ បានផ្លាស់ទៅកាន់ទឹកដី Camp Nou ពីក្លិប Real Betis ក្នុងរដូវក្ដៅឆ្នាំ ២០១៩ ហើយបង្ហាញខ្លួនបានតែ ៤១ប្រកួតប៉ុណ្ណោះ សម្រាប់ Barca ហើយក្លិបអ្នកមានបុណ្យត្រូវផ្ដល់ជូន Betis ២០ភាគរយនៃទឹកប្រាក់ដែលទទួលបាននៃការលក់ Firpo ទៅឱ្យ Leeds។
គួរជម្រាបថា Firpo បានកើតនៅសាធារណរដ្ឋដូមីនីក ហើយផ្លាស់ទៅអេស្ប៉ាញក្នុងវ័យ៦ឆ្នាំ និងជាកីឡាករដែលអ្នកចាត់ការ Marcelo Bielsa របស់ Leeds ចង់បាន ព្រោះធ្លាប់ជាកូនក្រុមរបស់លោកកាលនៅ Espanyol និង Athletic Bilbao៕
