ក្លិបចចកខ្មៅ Wolves បានចុះហត្ថលេខាលើខ្សែប្រយុទ្ធ Francisco Trincao របស់ក្លិប Barcelona ក្នុងការខ្ចីជើងរយៈពេលមួយរដូវកាល ជាមួយនឹងជម្រើសក្នុងការទិញផ្តាច់ផងដែរ។
ខ្សែប្រយុទ្ធព័រទុយហ្គាល់មួយ ២១ឆ្នាំរូបនេះ គឺជាសមាជិកមួយរូបរបស់លោក Ronald Koeman ដែលបានជួយឱ្យ Barca ឈ្នះពាន Copa del Rey ហើយរូបគេពិតជាធ្វើបានល្អមែនទែន ជាមួយនឹងរដូវកាលដ៏មមាញឹករបស់ក្រុមអ្នកមានបុណ្យ បន្ទាប់ពីការមកដល់របស់គេនៅក្នុងឆ្នាំ ២០២០។
Trincao នឹងត្រូវចំណាយពេលមួយរដូវកាល ក្នុងការស្នាក់នៅទឹកដី Molineux, ខណៈក្លិប Wolve ចង់បានរូបគេដើម្បីទៅជួយពង្រឹងក្រុមបន្ថែម នៅក្នុងក្របខណ្ឌ Premier League ស្របពេលដែលគ្រូបង្វឹកលោក Nuno Espirito ក៏ទើបតែនឹងផ្លាស់ទៅកាន់ក្លិប Tottenham Hotspur ផងដែរ៕
