នាយកប្រតិបត្តិក្លិបសេះបង្កង់ Juventus លោក Federico Cherubini បានទម្លាយឲ្យដឹងថា ក្រុមរបស់លោកមិនទទួលបានសញ្ញាអ្វីសោះ ថាកំពូលខ្សែប្រយុទ្ធ Cristiano Ronaldo នឹងចាកចេញពីក្លិប។
ជាការពិតណាស់ នៅពេលនេះម្ចាស់ពានរង្វាន់ Ballo d’Or ប្រាំសម័យខាងលើ នៅមានកុងត្រាជាមួយ Juventus តែមួយរដូវកាលទៀតប៉ុណ្ណោះ និងអាចចាកចេញដោយគ្មានតម្លៃខ្លួនបាន ក្រោយបញ្ចប់រដូវកាលក្រោយ។
ទោះជាយ៉ាងណាក្តី Ronaldo ក៏មានពាក្យចចាមអារ៉ាម ក្នុងការចាកចេញពីកីឡដ្ឋាន Allianz Stadium ផងដែរ ហើយ ក្លិបដែលមានលទ្ធភាពចង់បានរូបគេ មានដូចជា Manchester United, Paris Saint Germain និង ក្រុមមួយចំនួននៅលីគសហរដ្ឋអាមេរិក៕
