តាមរបាយការណ៍ ក្លឹបជើងឯក Serie A Inter Milan មានការចាប់អារម្មណ៍ខ្លាំង ក្នុងការចុះហត្ថលេខាលើខ្សែការពារ Hector Bellerin របស់ Arsenal ដោយចង់ខ្ចីជើង កីឡាករជនជាតិអេស្ប៉ាញរូបនេះ ជាមួយនឹងជម្រើសទិញផ្ដាច់ នៅរដូវកាលបន្ទាប់។
ក្លិបកាំភ្លើងធំ Arsenal បានកំណត់តម្លៃ Bellerin ២០លានអឺរ៉ូ ហើយ Inter បានចាត់ទុកខ្សែការពារវ័យ ២៦ឆ្នាំរូបនេះ ជាជម្រើសល្អនៅតំណែងខ្សែការពារស្លាបស្ដាំជំនួស Achraf Hakimi ដែលត្រៀមចូលរួមក្លិបបារាំង Paris Saint-Germain។
គួរជម្រាបដែរថា Hakimi គឺខិតកាន់តែកៀកក្នុងការចូលរួម PSG ដែលមានលោក Mauricio Pochettino ជាអ្នកចាត់ការក្លិប ក្នុងតម្លៃផ្ទេរពីក្លិបអ៊ីតាលីប្រមាណ ៧០លានអឺរ៉ូ៕
