ខ្សែប្រយុទ្ធឆ្នើម Erling Haaland ត្រូវបានគេរាយការណ៍ថា បានយល់ព្រមផ្លាស់ទៅកាន់ក្លិបអធិរាជស Real Madrid នារដូវក្ដៅនេះហើយ ដោយក្លិបយក្សនៅលីគ Laliga មួយនេះ សង្ឃឹមថាអាចយករូបគេក្នុងតម្លៃប្រហែល ១១២លានផោន (ឬប្រមាណ ១៥៥លានដុល្លារអាមេរិក)។
ជាការពិតណាស់ Haaland បានក្លាយជាម៉ាស៊ីនរកគ្រាប់ឲ្យក្លិប Dortmund ក្រោយរូបគេមករួមរស់ជាមួយក្លិបនេះបានរយៈ ១៨ខែ និងបង្ហាញខ្លួនបាន ៥៩ប្រកួត។ ជាក់ស្ដែង នៅក្រខណ្ឌ Bundesliga រដូវកាល ២០២០-២០២១ កន្លងទៅនេះ គេអាចរកគ្រាប់បាល់បាន ២៧គ្រាប់ ក្នុងការបង្ហាញខ្លួន ២៨ប្រកួត។
គួរឲ្យដឹងថា ក្រៅតែពីក្លិប Real Madrid មានក្លិបនៅក្របខណ្ឌ Premier League ដូចជា Manchester United, Chelsea និង Manchester City ក៏សុទ្ធតែចង់បានតារាឆ្នើម Haaland ប៉ុន្ដែរូបគេទំនងជាមានភាគរយខ្ពស់សម្រាប់ Real Madrid ៕
