ភ្នំពេញ៖ បុរស ២នាក់ ជិះម៉ូតូមកកាប់ប្រហារ មនុស្ស១ក្រុមដល់កន្លែងផឹកស៊ី មានអីគេនាំគ្នាព្រួតវាយតបវិញ បណ្ដាលឲ្យស្លាប់ម្នាក់ ។ ហេតុការណ៍នេះ កើតឡើងកាលពីយប់ថ្ងៃទី២៤ ខែមិថុនា ស្ថិតក្នុងភូមិ ត្រពាំងចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
បុរសស្លាប់ឈ្មោះ ហែម សុគុន្ធ អាយុ៤១ឆ្នាំ ស្នាក់នៅជិតកន្លែងកើតហេតុ និង ជនរងគ្រោះរងរបួសធ្ងន់ឈ្មោះង៉ោ អាយុជាង២០ឆ្នាំ ស្នាក់នៅបន្ទប់ជួលជិតកន្លែង កើតហេតុកំពុងសង្គ្រោះបន្ទាន់នៅឯមន្ទីរពេទ្យ។
បើតាមប្រភពព័ត៌មាន បានឲ្យដឹងថា មុនពេលកើតហេតុគេឃើញក្រុមបង្កមានគ្នា ពីរនាក់ជិះម៉ូតូមួយគ្រឿងមិនចាំផ្លាក លេខបានមកកាត់មុខមនុស្សមួយក្រុមទៀត កំពុងតែផឹកស៊ី។ មិនដឹងជាមានរឿងអ្វីជាមួយគ្នាជិះចូលទៅបន្ទប់ជួលដែលនៅក្នុងមួយសន្ទុះ ជិះចេញមកវិញមានកាន់ដាវ នៅនឹងដៃមកកាប់លើមនុស្ស មួយក្រុមទៀតកំពុងផឹកស៊ីបណ្ដាល ឲ្យឈ្មោះង៉ោ រងរបួសហើយក្រុមម្ខាងទៀតក៏វាយតបគ្នាទៅវិញ ទៅមកបណ្ដាលឲ្យជនបង្ករងរបួសធ្ងន់ធ្ងរ រហូតដល់ស្លាប់ពេលបញ្ជូនទៅមន្ទីរពេទ្យ និងបក្ខពួកម្នាក់ទៀតរត់គេចខ្លួនបាត់ស្រមោល។
ក្រោយកើតហេតុសមត្ថកិច្ចខណ្ឌពោធិ៍ជ័យ ចុះមកចំណុចកើតហេតុឃាត់ខ្លួន ជនសង្ស័យ ៥នាក់យកទៅសាកសួរបន្ត និងចាត់ការតាមនីតិវិធី ៕
