ក្លិបបិសាចក្រហម Manchester United បានកំណត់តម្លៃផ្ទេរចេញ សម្រាប់ខ្សែបម្រើ Paul Pogba ប្រមាណជា ៦៨ លានផោន ឬស្មើរនឹង (៩៥ លានដុល្លាអាមេរិក) ខណៈក្លិប Juventus ចង់បានត្រឡប់ទៅវិញ។
Pogba បានផ្ទេរចេញពីក្រុម Juventus មកកាន់ Man UTD នៅឆ្នាំ ២០១៦ ដែលពេលនោះរូបគេបានបំបែកកំណត់ត្រាតម្លៃផ្ទេរ ថ្លៃជាងគេក្នុងនាមជាខ្សែបម្រើ ពោលគឺប្រមាណជា ៨៩ លានផោន ឬស្មើរនឹង (១២៣ លានដុល្លាអាមេរិក) ប៉ុន្តែមកដល់ពេលនេះ គាត់នៅសល់កុងត្រាក្នុងការស្នាក់នៅទឹកដី Old Trafford ត្រឹមតែ ១ ឆ្នាំទៀតតែប៉ុណ្ណោះ។
បច្ចុប្បន្ន Man UTD កំពុងតែជួបវិបត្តិហិរញ្ញវត្ថុផងនោះ ក្លិបនឹងមិនមានការស្ទាក់ស្ទើរក្នុងការផ្ទេរ Pogba ចេញឡើយ ប្រសិនបើរូបគេ មិនព្រមបន្តកុងត្រាថ្មី៕
