ក្លិបបិសាចក្រហម Manchester United គ្រោងនាំយកអ្នកចាំទី Keylor Navas ពីក្លិប PSG ក្រោយប្រជែងចាញ់ Paris Saint-Germain ក្នុងការនាំយកអ្នកចាំទី Gianluigi Donnarumma ពី AC Milan។
Navas ត្រូវបានគេដឹងថា អាចនឹងចាកចេញពីទឹកដី Parc des Princes នៅរដូវក្ដៅនេះ ក្រោយក្លិបបាននាំយក Donnarumma ដោយគ្មានតម្លៃខ្លួនពីក្លិប AC Milan ដែលគេរំពឹងទុកថា Donnarumma នឹងក្លាយជាអ្នកចាំទីដៃទី១ជំនួស។
យ៉ាងណាមិញ មិនមែនតែ Man UTD ទេដែលចង់បាន Navas គឺ Juventus និង AC Milan ក៏ចាប់អារម្មណ៍ចង់បានគេដែរ ខណៈកុងត្រារបស់គេនៅសល់រហូតដល់ឆ្នាំ២០២៤ ឯណោះដូច្នេះ PSG ទំនងជាទារប្រាក់ថ្លៃផ្ទេរប្រមាណ ១២លានអឺរ៉ូ (ស្មើនឹង១៤.៥លានដុល្លារ)៕
