អ្នកចាំទី Keylor Navas របស់ក្លិបអ្នកមាន Paris Saint-Germain បានក្លាយជាម្ចាស់ពាន អ្នកចាំទីល្អបំផុតប្រចាំឆ្នាំរបស់ Ligue 1 ដែលទើបបង្កើតឡើង។
មានមតិមួយចំនួនបានអះអាងថា ពានរង្វាន់នេះសក្ដិសមជាមួយអ្នកចាំទី Mike Maignan របស់ Lille ប៉ុន្ដែកីឡាករជនជាតិបារាំង បានរបូតគ្រាប់បាល់ច្រើនជាង Navas។
គូរបញ្ជាក់ថា សម្រាប់រយៈពេល ៥រដូវកាលជាមួយ Real Madrid, Navas ពុំដែលឈ្នះពាន Zamora សម្រាប់អ្នកចាំទីឆ្នើមប្រចាំឆ្នាំនោះទេ ប៉ុន្ដែមកនៅបារាំង គេបន្ដការប្រឹងប្រែងជួយ PSG ឈ្នះពានរង្វាន់ជាហូរហែ ទោះបីមានវ័យរាងជ្រេបន្ដិចក៏ដោយ៕
