យោងតាមរបាយការណ៍ពី The Athletic បានចុះផ្សាយថាកីឡាករ Fernandinho ម្នាក់ទៀតក៏ទំនងជាចាកចេញដូចគ្នា បន្ទាប់ពីចាយពេល ៨ ឆ្នាំនៅ Man City ដោយផុតកុងត្រានៅបញ្ចប់រដូវកាលនេះ ។
ខ្សែការពារប្រេស៊ីលរវ័យ ៣៥ឆ្នាំរូបនេះ បានបង្ហាញខ្លួនឲ្យមេឃខៀវ ៣៤០ប្រកួត រកបាន ២៤ គ្រាប់ និង Assist ២៨ លើក។ ទ្រនំបន្ទាប់របស់ Fernandinho មិនមានការបង្ហើបនោះទេ ដោយមើលតាមភាពជាក់ស្តែងគេក៏ អាចនឹងវិលទៅក្លឹបចាស់នៅប្រេស៊ីលក៏ថាបាន មុននឹងបញ្ចប់អាជីពពីបាល់ទាត់។
ក្លិប Man City បានប្រកាសរួចហើយថា នឹងរៀបចំពិធីជប់លៀងលាគ្នានិងសាងសង់រូបសំណាក់របស់ Aguero, Silva និង KoKompany ខណៈដែលពួកគេបានលះបង់ឲ្យក្លិបច្រើនជាងគេ៕
