នៅថ្ងៃនេះមានការប្រកាសជាផ្លូវការហើយអំពីបញ្ជីឈ្មោះកីឡាករទាំង២៥នាក់ដែលនឹងត្រូវធ្វើដំណើរទៅចូលរួមប្រកួតពានរង្វាន់ Europa League ជូនក្លឹបកាំភ្លើងធំ Arsenal ក្នុងវគ្គជម្រុះតាមពូល។
ប៉ុន្តែទោះបីជាយ៉ាងណាក្តីអ្វីដែលគួរឲ្យចាប់អារម្មណ៍នោះគឺថាកីឡាករ Mesut Ozil គឺមិនមានឈ្មោះនៅក្នុងបញ្ជី កីឡាករទាំង២៥នាក់នោះទេហើយក៏មានកីឡាករឈុតធំរបស់ក្លឹបម្នាក់ទៀតគឺខ្សែការពារ Sokratis ផងដែរ ដែលត្រូវបានដកចេញដោយលោក Mikel Arteta។
គួរបញ្ជាក់ឲ្យដឹងដែរថាកាំភ្លើងធំ Arsenal ជាមួយនឹងកីឡាករដែលទទួលបានប្រាក់កម្រៃថ្លៃបំផុតប្រចាំក្លឹប Mesut Ozil រូបនេះមួយរយៈធំចុងក្រោយនេះគឺមិនដែលបានលេង ក្នុងប្រកួតណាមួយជាមួយគ្នាឡើយ ខណៈដែលកុងត្រារបស់កីឡាករ គឺកាន់តែខិតជិតទៅដល់ទីបញ្ចប់ទៅហើយនៅរដូវក្តៅឆ្នាំក្រោយនោះ៕
ប្រែសម្រួល៖ Lee
