នៅសប្តាហ៍នេះក្លឹបបិសាចក្រហម Man United បានត្រៀមខ្លួនកាន់តែខ្លាំងហើយ ដើម្បីធ្វើការចរចាសុំទិញយកកីឡាករ Uros Racic ដែលបច្ចុប្បន្នកំពុងលេងឲ្យក្លឹប Valencia។
កីឡាករខ្សែបម្រើឆ្នើមសញ្ជាតិស៊ែបរូបនេះ ត្រូវបានគេជឿជាក់ថាមានតម្លៃខ្លួនយ៉ាងហោចណាស់ ៩២លានផោន នៅក្នុងកុងត្រារបស់គាត់ ប៉ុន្តែដោយសារបញ្ហាហិរញ្ញវត្ថុនៅក្រោយកូវីដ១៩ គេជឿជាក់ថា Valencia នឹងបង្ខំចិត្តស្តាប់សំណើរដែលមានតម្លៃត្រឹមតែ ២៨លានផោន ពីក្លឹបបិសាចក្រហម។
កីឡាកររូបនេះមានកំពស់ខ្ពស់ និងមាឌធំព្រមទាំងកម្លាំងផងដែរ ហើយលើសពីនេះគឺគាត់អាចលេង ក្នុងតំណែងបម្រើការពារ បានយ៉ាងល្អ ព្រោះថាមានជំនាញទាំងជើងឆ្វេង និងជើងស្តាំផងដែរ ក្នុងវ័យទើបតែ ២២ឆ្នាំប៉ុណ្ណោះ៕
ប្រែសម្រួល៖ Lee
