ភ្នំពេញ៖ ពិតជាប្លែក នៅពេលដែលលឺពាក្យថា តារាចម្រៀងប្រុស ជំនាន់ក្រោយរបស់ផលិតកម្មសាន់ដេ បានព្យាយាមរំអុកម៉ែ ចូលដណ្តឹងតារាចម្រៀងស្រីជួរមុខ ចាស់វស្សា ក្នុងផលិតកម្ម គឺ កញ្ញា សុខ ពិសី ដូច្នោះ ។ ប៉ុន្តែទោះជាយ៉ាងណា នេះវាគ្រាន់តែជាបទចម្រៀង របស់ តារាចម្រៀង វ៉ាយ ចេញអបអរចូលឆ្នាំខ្មែរ តែប៉ុណ្ណោះ ។
បទចម្រៀងនេះដែរ ទទួលបានការចូលទស្សនានៅលើយូធូបជិត ៧ម៉ឺននាក់ ក្នុងរយៈពេល ២ថ្ងៃមកនេះ ។
វ៉ាយ គឺជាតារាចម្រៀងប្រុសម្នាក់ដែលមានស្បែកស ហើយទឹកដមសំនៀងទៀតសោត ក៏ទទួលបានការចាប់អារម្មណ៍ច្រើនពីទស្សនិកជន ខណៈដែលលោក នៅបន្តមហិច្ឆិតា ធំៗ ជាច្រើនទៀត ក្នុងវិថីសិល្បៈ ដោយបានត្រៀមខ្លួនជាស្រេច ទទួលយកការថតស្ពត និងសម្តែងក្នុងសាច់រឿងផងដែរ ។
ងាកទៅកាន់បទ «សុំម៉ែដណ្តឹង សុខ ពិសី » ពិតជាពិរោះ នឹងកំពុងទទួលបានការចាប់អារម្មណ៍ខ្លាំង ក្រោយបញ្ចេញ MV ជាផ្លូវការ ។ បទចម្រៀងនេះដែរ ដឹកនាំសម្តែង ដោយលោក គីម ផល្លីន និង និពន្ធទំនុកច្រៀង និង Melody ដោយលោក សុន រដ្ឋា ៕
ទស្សនាវីដេអូឃ្លិបដូចខាងក្រោមនេះ៖
