ភ្នំពេញ៖កំពូលតារាចម្រៀងរបស់ផលិតកម្មសាន់ដេកញ្ញា សុខ ពិសីស្របពេលដែលទីផ្សាសិល្បៈកំពុងទទួលបានការគាំទ្រនិងមានប្រជាប្រិយភាពលើអាជីពសិល្បៈនោះពេលនេះបានបំផុសឲ្យមហាជននិងអ្នកគាំទ្រចូលរួមថែរក្សាដល់ក្បាច់គុនបុរាណខ្មែរ(ល្បុក្កតោ)។ខណៈមានទស្សនិកជនជាច្រើនបានសរសើរទឹកចិត្ត សុខ ពិសី ។
តារាស្រីកញ្ញា សុខ ពិសី បានបង្ហោះភ្ជាប់ជាមួយរូបភាពនៃគុនល្បុក្កតោខ្មែរមកថាខ្ញុំជាកូនខ្មែរពេញចិត្តនិងគាំទ្រយ៉ាងពេញទំហឹងក្បាច់គុនល្បុក្កតោខ្មែរ។ការលើកឡើងរបស់តារាស្រីកញ្ញាសុខ ពិសី ខាងលើនេះបានធ្វើឡើងស្របពេលដែលមានអ្នកគាំទ្រក្បាច់គុនល្បុក្កតោខ្មែរជាច្រើនកំពុងអំពាវនាវឲ្យមហាជនចូលរួមអភិរក្សនិងចូលរួមគាំទ្រ។
សូមបញ្ជាក់ថាក្បាច់គុនល្បុក្កតោគឺជាក្បាច់គុនដ៏ចំណាស់មួយរបស់ខ្មែរដែលត្រូវបានបង្កើតឡើងដោយជនជាតិខ្មែរនៅលើទឹកដីខ្មែរតាំងពីមុនការមកដល់នៃអរិយធម៌ឥណ្ឌាកាលពីជាង២ពាន់ឆ្នាំកន្លងមកហើយ។ ល្បុក្កតោ គឺជាបន្សំនៃពាក្យ ល្បុក្ក បូកនឹង តោ» មានន័យថាសត្វតោមហាកម្លាំង ឬមហាថាមពល។
ជាមួយគ្នានេះបើយោងតាមវចនានុក្រមរបស់សម្តេចព្រះសង្ឃរាជ ជួន ណាត ល្បុក្កតោជាអាវុធដំបងខ្លីមួយប្រភេទអបភ្ជាប់នឹងកំភួនដៃសម្រាប់រងនឹងដំបងវែង ឬបុកបុះការពារខ្លួន។ ដូច្នេះគុនល្បុក្កតោ គឺជាក្បាច់គុនមហាកម្លាំងប្រើប្រាស់នៅក្នុងចម្បាំងប្រឆាំងសត្រូវឈ្លានពាន ដើម្បីការពារប្រទេស ប្រាសាទ គ្រួសារ ស្រុកភូមិ ព្រមទាំងការពារសុវត្តិភាពផ្ទាល់ខ្លួន និងទ្រព្យសម្បត្តិ ទប់ទល់នឹងសត្វសាហាវជាដើម៕ តារារស្មី
