ភ្នំពេញ៖ តារាចម្រៀង ទូច ស្រីល័ក្ខ បានបង្ហាញសារដើម្បីលើកទឹកចិត្តដល់ តារាចម្រៀងហង្សមាស ពេជ្រ សូលីកា ឲ្យរឹងមាំឡើង នឹងត្រូវគិតពីរឿង កូនក្នុងផ្ទៃ ជារឿងសំខាន់។
ក្រោយពីមានករណីឃាតកម្ម ដែលផ្តើមចេញពីអ្នកម្តាយតារាចម្រៀងល្បីខាងលើ បានធ្វើឲ្យកក្រើកបណ្តាញសង្គម និងប្រជាពលរដ្ឋទូទាំងប្រទេស ហើយវាក៏បានក្លាយជាប្រធានបទសំខាន់ ក្នុងការវែកញែក ។
ទន្ទឹមជាមួយគ្នានេះដែរ ទូច ស្រីល័ក្ខ បានបង្ហាញសារលើកទឹកចិត្ត ដល់ពេជ្រ សូលីកា ឲ្យគិតពីរឿងកូនក្នុងផ្ទៃ ជារឿងសមខាន់ ។
ទូច ស្រីល័ក្ខ បានសរសេរនៅលើផេកហ្វេសប៊ុករបស់នាងថា «ក្នុងនាមខ្ញុំជារៀមច្បងសិល្បៈរួមអជីបជាមួយគាត់គឺខ្ញុំសូមលើកទឹកចិត្តប្អូនស្រីអោយមានភាពរឹងមាំហើយអ្វីដែលប្អូនត្រូវតែគិតនៅក្នុងពេលនេះគឺកូននៅក្នុងផ្ទៃរបស់ប្អូនហើយប្អូនត្រូវក្រោកឈរដើម្បីបង្ហាញពីភាពរឹងមាំរបស់ប្អូនអោយមនុស្សគ្រប់គ្នាបានឃើញថាប្អូនមិនចុះចាញ់នឹងពាក្យសំដីរបស់នរណាម្នាក់ឡើយសំខាន់អីដែរប្អូនត្រូវគិតនៅថ្ងៃបន្ទាប់គឺកូនប្អូននឹងសុខភាពប្អូនហើយប្អូនខ្លួនឯងត្រូវតែយកឈ្នេះគ្រប់បញ្ហាទាំងអស់ ។ ទូច ស្រីល័ក្ខ បានបន្តថា ប្អូនគឺជាម្តាយដ៏អស្ចារ្យរបស់កូនប្អូនហើយប្អូនជាប្រពន្ធដែរល្អសំរាប់ស្វារមីប្អូន បងជឿកជាក់ថាប្អូនមិនចុះចាញ់នឹងពាក្យសំដីរបស់មនុស្ស សូមអោយបងប្អូនទាំងអស់គ្នាលើកទឹកចិត្តគាត់ផងព្រោះពេលនេះប្អូនស្រីកំពុងមានទំងន់ទៀត តឡកុំអោយប្អូនស្រីបាក់ទឹកចិត្តអោយសោះ៕»
