ភ្នំពេញ៖ ក្រោយពីមានបញ្ហាលើសំនួរ និងចម្លើយពាក់ព័ន្ធផ្លូវគោក ក្នុងកម្មវិធីទូរទស្សន៍ហង្សមាស បានធ្វើឲ្យមហាជនមានការឆោឡោ ដោយលើកពីបញ្ហាផ្សេងៗគ្នា ដោយក្នុងចំណោមមហាជនក៏មានអ្នកនាងម៉េង កែវពេជ្ជតា ផងដែរថា បើថាផ្លូវគោគមានដល់ទៅ ៣ សង្ស័យគិតលើផ្លូវភេទមួយទៀតទេដឹង ។
អ្នកនាងម៉េង កែវពេជ្ជតា តារាចម្រៀងសំនៀងផ្អែម បានលើកឡើងនៅលើបណ្តាញសង្គមរបស់ អ្នកនាងថា ផ្លូវគោគមានពីរប្រភេទ គឺផ្លូវថ្នល់ និងផ្លូវដែក ។ តែបើរៀបរាប់អំពីផ្លូវជាតិ ផ្លូវខេត្ត និងផ្លូវរុក្ខបាល គឺសំដៅលើប្រភេទទាំង៣នៃផ្លូវថ្នល់ទេ ( ព្រោះផ្លវថ្នល់បានចែកចេញជា៣នោះគឺ ផ្លូវជាតិ ផ្លូវខេត្ត និងផ្លូវរុក្ខបាល នេះឯង ) តែតាមឯកសារផ្លូវការរបស់ក្រសួងសារធារណការបញ្ជាក់ថាផ្លូវថ្នល់នេះមានចែកជា៤ គឺផ្លូវលំមួយទៀត ។
អ្នកនាងបានបន្តថា ទោះជាចែកជា៣ ឬក៏ជា៤ក៏ដោយជារឿងរបស់ផ្លូវថ្នល់ តែកម្មវិធីសួរពីចំនួនផ្លូវគោគមានប៉ុន្មានប្រភេទទេតើ គាត់មិនបានសួរពីចំនួនផ្លូវថ្នល់មានចែកជាប៉ុន្មានទៀតទេ ។ សំនួរអំពីផ្លូវគោគ ឯការបញ្ជាក់ចម្លើយអំពីផ្លូវថ្នល់ទៅវិញ ។ បើថាផ្លូវគោគមានដល់ទៅ ៣ សង្ស័យគិតលើផ្លូវភេទមួយទៀតទេដឹង ? ? នេះអាចជាការភ័ន្តច្រលំ និងប្រហែស ។ អាណិតបេក្ខជនឆ្លើយត្រូវតែមិនបានទទួលរង្វាន់ 1000$៕
