«ក្រុងភ្នំពេញ» ៖ ដូចការគ្រោងទុក របស់លោក គីម សាន កន្លងទៅបានលើកឡើងថា នាងសំរាម បទរបស់នាងល្អហួស គ្រោងនឹងចេញក្នុងខែមេសា ឥលូវវាបានចេញជាផ្លូវការ ដែលកំពុងឆក់យកបេះដូងរបស់អ្នកគាំទ្រតាមរយៈឈុតឆាកកំសត់ ។
បទចម្រៀងមួយបទនេះបានផុសនៅលើគណនីហ្វេសប៊ុករបស់ដេននី ក្វាន់ នៅព្រឹកនេះក្នុងនោះតារាសិចស៊ីសម្រស់ផូរផង់រូបនេះបានសរសេរថា «នាងសំរាម ចេញ Trailer ហើយ កំសត់ណាស់លោកអើយ មើលហើយទប់ទឹកភ្នែកមិនបាន??? នរណាខ្លះយល់អារម្មណ៏មួយនេះ???? ជួយ Shareផងណា ??????» ។
ទន្ទឹមជាមួយគ្នានេះដែរអ្នកលេងនៅលើបណ្តាញសង្គមបានលើកឡើងថា កំសត់ណាស់ ទប់ទឹកភ្នែកមិនជាប់នោះទេ ខណៈដែលបទនេះបានចេញត្រឹម Trailer ចុះទម្រាំសាច់រឿងពេញកំសត់យ៉ាងម៉េចទៅ ?
កន្លងទៅលោក គីម សាន បានប្រាប់ OBN Asia ថាបទនេះវាបានកើតចេញតាមរយៈសកម្មភាពលោកចុះខេត្តញឹក ដោយឃើញក្មេងរើសសំរាម ដែលមើលទៅគួរឲ្យអាណិត លោកក៏បានបង្កើតគំនិតឡើងចង់បង្កើតបទចម្រៀងមួយនេះឡើង ដើម្បីកុំឲ្យបន្តមាក់ងាយទៅលើក្មេងសំរាមធ្វើអី ព្រោះថាគ្មាននរណាមួយចង់កើតមកក្រនោះទេ ដូច្នេះត្រូវផ្តល់ក្តីស្រលាញ់ចំពោះគាត់ ៕
ទស្សនាវីដេអូ Trailer ដូចខាងក្រោមនេះ៖
