អតីត​តារាសម្តែង វ៉ាន់ ម៉ូនិច បច្ចុប្បន្នអះអាងថាជំទាវ បំភ្លឺរឿងគេចោទទាក់ទងប្តីគេ

ភ្នំពេញ៖ ក្រោយពីមានគណនីហ្វេសប៊ុកមួយចេញវាយប្រហារ ហែកកេរ្តិ៍ថា អតីតតារាសម្តែងវ៉ាន់ ម៉ូនិច បានទាក់ងប្តីគេ និងជា​អ្នកលក់ខ្លួន ក៏ត្រូវបានសាមីខ្លួន ដោយបញ្ជាក់ថា​ខ្លួនមានងារជាជំទាវនោះ ធ្វើការ​ច្រានចោល ថា​រឿងនោះជារឿងមិនពិតនោះទេ ។​

វ៉ាន់ ម៉ូនិច ដែលមានឈ្មោះដើមក្នុងបញ្ជី តុប ស្រីនិច បានប្រាប់ OBN Asia តាមទូរស័ព្ទ នៅថ្ងៃម្សិលមិញថា ខ្ញុំអត់ចង់និយាយច្រើនរឿងហ្នឹងវាយូរហើយ ដល់អ៊ីចឹងរឿងពីមុននោះ គឺវា​រឿងពីមុន ហើយគាត់ ជាមួយអតីតប្រពន្ធគាត់ហ្នឹង វាអ៊ីចឹងបង ។

លោកស្រី បានបន្តថា កាលពីមុនយូរហើយ ហើយនេះខ្ញុំនិយាយកាត់ៗដោយគ្មានពេលបកស្រាយយូរ ។ ខ្ញុំនិងគាត់(ស្វាមី) បានជួបគ្នានៅក្នុងកម្មវិធី នៅអ៊ីៗ ដោយខ្ញុំនឹងគាត់បានទាក់ទងគ្នាទាំងអត់ដឹងថាគាត់មានប្រពន្ធនោះទេ អាហ្នឹងរឿងទី​១ ដោយចាប់តាំងពីខ្ញុំដឹងថាគាត់មានប្រពន្ធ ដូចរូប Message ចឹង បងស្រីគេ Message មកខ្ញុំ ដោយប្រាប់ឲ្យនៅឲ្យឆ្ងាយទៅ ខ្ញុំក៏ថាអូខេខ្ញុំនឹងនៅឆ្ងាយ ចាប់តាំងពីពេលនោះមក ផ្ទះខ្ញុំក៏ខ្ញុំមិនហ៊ាននៅដែរ ដោយខ្លាចបងប្រុស ប្តីខ្ញុំរាល់ថ្ងៃនេះមករកខ្ញុំ ខ្ញុំទៅនៅផ្ទះពួកម៉ាកខ្ញុំមួយរយៈ ។ប៉ុន្តែមួយរយៈធំ ក្រោយខ្ញុំក៏ឈប់ទំនាក់ទំនងគ្នាមែន អាហ្នឹងខ្ញុំឈប់ទំនាក់ទំនងគ្នាមែន ដោយ​ធ្វើតាមពាក្យដែលខ្ញុំ Message ជាមួយគាត់(បងស្រីខាងប្រពន្ធដើម) ដល់ហើយរយៈពេលរៀងយូរដែរដោយគាត់បានដើររកខ្ញុំ ដោយពេលហ្នឹងផ្ទះ ពួកម៉ាកខ្ញុំ​នៅទួលសង្កែ គាត់តេមកខ្ញុំជួបខ្ញុំដោយកាន់ក្រដាសលែងលះមកជួបខ្ញុំ ដោយបញ្ជាក់ថាពោះម៉ាយ ឲ្យខ្ញុំ ដោយសូមខ្ញុំ​រស់នៅជាមួយបង្កើត​ជាគ្រួសារ និងមានកូន ហើយខ្ញុំក៏ចុះអេតាស៊ីវិល ជាមួយគាត់ទៅ ។
នៅពេលដែលសួរថា មិនដូចគេចោទប្រកាន់ទាក់ទងគ្នាក្នុងឆ្នាំ ២០១៧ មែនទេ ?
សាមីខ្លួន ដែលមានបញ្ជាក់ថា​ខ្លួនមានងារជាជំទាវនោះ ក៏បានអះអាងថា អត់ទេបង ប៉ុន្តែ​ពេលទាក់ទងហ្នឹង គាត់នឹងប្រពន្ធគាត់រកាំរកូសហើយ តែខ្ញុំអត់ដឹងថាគាត់មានប្រពន្ធនោះទេ ដោយប្រពន្ធគាត់ដឹងថាមានខ្ញុំ ក៏បាន Message ឲ្យខ្ញុំទៅឆ្ងាយទៅ ហើយខ្ញុំថាអូខេៗ ដោយខ្ញុំបានតបថា I will from far a way ហើយខ្ញុំក៏បានទៅរស់នៅផ្ទះមិត្តភក្តិ ។

ដោយមួយរយៈធំក្រោយនេះ ខ្ញុំដឹងខុសហើយ ដោយខ្ញុំដឹងថាគាត់មានប្រពន្ធហើយ ខ្ញុំក៏ចេញទៅ តែគាត់តាមរកខ្ញុំ កាន់ក្រដាស់បញ្ជាក់ពោះម៉ាយឲ្យខ្ញុំមើល ហើយគាត់ប្រាប់ថា គាត់ស្រលាញ់ខ្ញុំ ដោយគាត់ចង់រស់នៅជាមួយខ្ញុំ មានកូនមានអីតែហ្មង ហើយខ្ញុំក៏ចាប់ផ្តើមចុះអេតាស៊ីវិល ជាមួយគាត់ ដោយចុះអេតាស៊ីវិលខែ ១០ នេះ ហើយគាត់លែងលះតាំងពីខែ ៣ វាអ៊ីចឹងទេ ។

ហើយរូបថតដែលគេថ្ងៃពីលើ ថ្ងៃនេះៗ ដើរលេងជាមួយប្រពន្ធចុងហ្នឹង ពាក្យហ្នឹងគេសរសេរខុសហើយ អត់ពាក្យថាប្រពន្ធចុងនោះទេ ពេលដែលខ្ញុំដើរលេងហ្នឹងគឺខ្ញុំមានអេតាស៊ីវិល កាន់ក្នុងដៃរួចហើយ ខ្ញុំដើរលេងខ្ញុំផុស ខ្ញុំទៅថៃអីហ្នឹង ។
ហើយឥលូវខ្ញុំពេញច្បាប់ហើយ ខ្ញុំនៅតែថ្ងៃការនោះទេ ហើយប្តីខ្ញុំមុខងារធំ គាត់ឧកញ៉ា អ៊ីចឹងខ្ញុំអត់ចង់និយាយច្រើននោះទេ ខ្លាចប៉ះពាល់ ដល់ប្តីខ្ញុំខ្លាំង ។ ដល់ឃើញចឹងៗ សុំបងៗ​អ្នកកាសែតសួរ ខ្ញុំសិន ដល់ចុះអញ្ជឹងវារឿងផ្សេង វាប៉ះពាល់ដល់អ្នកផ្ទះ វាខូចឈ្មោះខ្ញុំ ។​

វ៉ាន់ ម៉ូនិច បានបន្ថែមថា «ងារខ្ញុំជំទាវដែរ ដល់តៗគ្នាពេក ក៏វាពិបាកដែរ ហើយខ្ញុំមិនចងនិយាយអ្វីច្រើនជាមួយអ្នកសារព័ត៌មាន ក៏ព្រោះតែខ្លាច​ខូច​កិត្តិយសប្តី តែប៉ុណ្ណឹងទេ ។ ជីវិត​ខ្ញុំធ្លាប់ជាសិល្បៈ បងឯងដឹងស្រាប់ហើយសិល្បៈស្រុកខ្មែរ ទោះយើងល្អ ក៏ថាយើងអាក្រក់ដែរ »។

លោកស្រី ជំទាវ វ៉ាន់ ម៉ូនិច បានបន្តអះអាងថា និយាយទៅដូចខ្ញុំប្រាប់បង​ឯងចឹង ទាក់ទងហ្នឹង​អាចុងក្រោយហ្នឹង ដល់ពេលខ្ញុំដឹង ហើយខ្ញុំព្យាយាមចេញពីគាត់ ហើយ ខ្ញុំអត់ចង់មានរឿងហ្នឹងកើតឡើងនោះទេ ដោយខ្ញុំដឹងខ្ញុំចេញពីគាត់ខ្ញុំទៅនៅផ្ទះពួកម៉ាកខ្ញុំទៀត ទៅនៅប្រហែល ជាវាមិនយូរ ហើយមិនឆាប់ ដោយពួននៅផ្ទះហ្នឹង តែគាត់មករកខ្ញុំដល់ផ្ទះហ្នឹងទៀត ដោយឃើញគាត់កាន់ក្រដាស់បញ្ជាក់ថា ពោះម៉ាយខ្ញុំក៏អូខេ ស្រលាញ់គាត់ទៅ ។

បានន័យថាគាត់ អំឡុងប្រពន្ធគាត់ចាស់ហ្នឹង គឺរឿងចុងក្រោយរកាំរកូសហើយ ដោយពេលហ្នឹង គាត់ចាប់ផ្តើមលែងហើយ ប៉ុន្តែការលែងលះវាមានស្នាមមេដៃ ពីរបីតង់ចេញសាលក្រមអីហ្នឹង ។​
«ខ្ញុំពេញសិទ្ធិឥលូវ អេស៊ីវិលធំជាងរៀបការទៅទៀត ខ្ញុំមិនទាន់សម្រេចចិត្តរៀបការដោយសារអី ខ្ញុំចង់ឲ្យកូនខ្ញុំធំសិន មើលតែស្រីតូច ចំណាន កូនគេបួន គេទើបរៀបការហ្នឹង របៀបចឹង ខ្ញុំអត់ខ្វល់រឿងរៀបអាពាហ៍ពិពាហ៍ ខ្ញុំបានតែក្រដាសអេតាស៊ីវិលមួយ គឺគ្រប់គ្រាន់សម្រាប់ខ្ញុំហើយ »។ នេះបើតាមសម្តី វ៉ាន់ ម៉ូនិច បានបញ្ជាក់បន្ថែម ។

ដល់គេហែកខ្ញុំថា អត់ខាន់ស្លាអត់អី ហើយអាខោនហ្នឹងខាងគេវៃប្រហារខ្ញុំ តែអត់អីទេខ្ញុំធ្វើតាមច្បាប់ហើយបង ឲ្យគាត់ប្រឈមមុខ​ជាមួយច្បាប់ ទៅខ្ញុំអត់ធ្វើច្បាប់ព្រៃទេ ខ្ញុំធ្វើច្បាប់ស្រុក គេនោះគេច្បាប់ព្រៃ គេដូចផុសហែកកេរ្តិ៍ខ្ញុំហែកអីចឹង ខ្ញុំឲ្យមេធាវីខ្ញុំចាត់ចែងរឿងហ្នឹង ព្រោះគាត់ដូចជា ខ្លាំងពេក ព្រោះពាក្យគាត់ផុស វាខ្លាំងពេកប៉ះពាល់កិត្តិយស​គ្រួសារខ្ញុំ អ៊ីចឹងខ្ញុំត្រូវដាក់ពាក្យបណ្តឹងការពារ​ខ្លួនខ្ញុំ ព្រោះគេគំរាមកំហែង ខ្ញុំច្រើន ណាស់ និយាយកាត់ប៉ុណ្ណឹងទៅ ៕

អានប្រវត្តិរឿងចុះថ្ងៃទី​៩ ខែមីនា ឆ្នាំ២០១៩ ដោយសាមីខ្លួ​នសុំឲ្យលុប នឹងបញ្ជាក់ខាងលើ ហើយរឿងទាំងស្រុងដូចខាងក្រោមនេះ៖
ចំណងជើង ៖ វ៉ាន់ ម៉ូនិច្ច ត្រូវបានគេបន្តហែកកេរ្តិ៍ខ្ទេចខ្ទីគ្មានសល់ថាទាក់ទងប្តីគេ និងជានារីលក់ខ្លួន ជាមួយភស្តុតាងមួយចំនួន