បុរសម្នាក់ដែលមានឈ្មោះថា Abdul Salam Maftoon មកពីភាគខាងជើងអាហ្វហ្គានីស្ថានកំពុងទទួលបានភាពល្បីល្បាញដោយសារតែភាពស្រដៀងគ្នារបស់លោកជាមួយនាយករដ្ឋមន្រ្តីដ៏ស្រស់សង្ហារបស់ប្រទេសកាណាដាលោក Justin Trudeau។
បុរសវ័យ២៩ឆ្នាំរូបនេះកំពុងមានឈ្មោះនៅក្នុងកម្មវិធីប្រកួតប្រជែងលើការប្រគុំតន្ត្រីដ៏ពេញនិយមរបស់អាហ្គានីស្ថានហើយបច្ចុប្បន្ន Maftoon កំពុងស្ថិតនៅក្នុងវគ្គពាក់កណ្តាលផ្តាច់ព្រ័ត្រដែលមាននៅសល់តែបេក្ខភាពតែ៨នាក់ប៉ុណ្ណោះដើម្បីដណ្តើមពានរង្វាន់នេះ។
ធ្លាប់តែជាអ្នកច្រៀងតាមរោងការMaftoonដែលត្រូវបានសំភាសដោយភ្នាក់ងារសារព័ត៌មានដ៏ល្បី AFP បាននិយាយថាមិនដែលស្គាល់ឬលឺនិងឃើញមុខរបស់នាយករដ្ឋមន្ត្រីកាណាដាទេពីមុនមកទើបតែដល់ពេលចុងក្រោយនេះប៉ុណ្ណោះ។
រូបថតរបស់Maftoonត្រូវបានក្រុមអ្នកគាំទ្រក្នុងស្រុកបង្ហោះនៅក្នុងបណ្តាញសង្គមកាន់តែច្រើនឡើងដោយប្រដូចលោកទៅនឹងនាយករដ្ឋមន្ត្រីកាណាដាTrudeau៕
ប្រែសម្រួល: Mr Lee
