ភ្នំពេញ៖ ក្រោយពីផ្ទុះព័ត៌មានថា ថៅកែស្រីឌែរម៉ូគ្លីនិក ត្រូវបានសមត្ថកិច្ចឃាត់ខ្លួនពាក់ព័ន្ធករណីរកស៊ីដេរប្រដាប់ភេទក្នុងតម្លៃ ៧០០ ដុល្លារ នឹងពាក់ព័ន្ធការគំរាមអតិថិជន នោះ ក៏ត្រូវបានតារាដែលស្គាល់នឹងទទួលសេវាកម្មពីមជ្ឍមណ្ឌលកែសម្ជស្សខាងលើ ជាពិសេសលោក ករុណា ពេជ្រ ថា «បងស្រី ដាណេ គ្មានអត្តចរិករកស៊ីបែបនេះ សង្សយ័មានរឿងអ្វីម្យ៉ាងនៅក្រោយនេះទេដឹង» ។
បើផ្នែកតាម Status របស់លោក ករុណា ពេជ្រ បានសរសេរថា «តាមអ្វីខ្ញុំស្គាល់ បងស្រី ដាណេ DC Dermo ជាង 10 ឆ្នាំហើយ គឺគាត់មិនដែលមានអត្តចរិតរកស៊ីបែបនេះទេ... ហើយខ្ញុំក៏តែងតែទៅថែស្បែកមុខនៅហាងគាត់ ប្រកបដោយវិជ្ជាជីវះ និងរួសរាយគ្រប់ភ្ញៀវទូទៅ...
សង្សយ័មានរឿងអ្វីម្យ៉ាងនៅក្រោយនេះទេដឹង.... » ។
ដោយឡែកប្រភពក្បែរនិងស្និទ្ធជាមួយ អ្នកស្រី ហូវ ដាណេ វិញ ក៏បានបញ្ជាក់ថា គ្មានការចាប់ខ្លួនអ្វីនោះទេ ទៅលើអ្នកស្រី ដាណេ ដែលជាថៅកែ របស់ខ្លួន គាត់គ្រាន់តែចូលខ្លួនទៅបំភ្លឺជូនសមត្ថកិច្ច ហើយព្រឹកនេះក៏ដូចគ្នា គាត់ក៏ចូលខ្លួនទៅបំភ្លឺបន្តជាមួយគ្រូពេទ្យខាងគ្លីនិក ហើយការសរសេរ ថាការចាប់ខ្លួនវៃខ្នោះ ជាការបំភ្លើសពីការពិតតែម្តង ៕
