ភ្នំពេញ៖ ក្រោយពីចូលខ្លួនទៅដាក់ពាក្យបណ្តឹងនៅប៉ុស្តិ៍នគរបាល សង្កាត់ទឹកល្អកទី១ ខណ្ឌទួលគោក កញ្ញា ទេព បូព្រឹក្ស បានលើកឡើងថា នាងនឹងប្តឹងទារសំណង ១០ម៉ឺនដុល្លារពីជនបង្ក ដើម្បីយកទៅជួយដល់មន្ទីរពេទ្យគន្ធបុប្ជា មណ្ឌលចាស់ជរា និងសិល្បករចាស់ជរា ។
តាមរយៈបទសម្ភាសន៍ ជាមួយអ្នកសារព័ត៌មាន កញ្ញាទេព បូព្រឹក្ស បានលើកឡើងថា សំណង ១០ម៉ឺនដុល្លារនោះ កញ្ញាមិនប៉ះនោះទេ ដោយយកទៅ មណ្ឌលចាស់ជរា ពេទ្យគន្ធបុប្ជា និងសិល្បករចាស់ជរា ជាដើម ។
ក្នុងពាក្យបណ្តឹងនោះ កញ្ញាបានអះអាងថា កញ្ញាបានប្តឹងទៅលើ ម្ចាស់ភោជនីយដ្ឋាន អ្នករៀបចំកម្មវិធីស្រាបៀរដែលយកនាងទៅ និងអ្នកគប់លើរូបនាង ។ កញ្ញាថា អាងនោះគឺអសន្តិសុខបំផុត សូម្បីតែកាម៉េរ៉ាសុវត្ថិភាពក៏គ្មាន ៕
