នៅថ្ងៃម្សិលមិញ យាយក្រវីសក់ បានធ្វើដំណើរមកកាន់ទីក្រុងភ្នំពេញ ដើម្បីចូលរួមសម្ដែងក្បាច់រាំក្រវីសក់នៅក្នុងក្លឹបរាត្រីកម្សាន្ដមួយកន្លែង ដែលមានការទទួលវត្តមានរបស់ យាយក្រវីសក់ និងតារាកំប្លែងដ៏មានប្រជាប្រិយភាពខ្លាំងគឺ លោក គូទី ដោយឌីជេ ដែលត្រូវបានគេស្គាល់ថា តារាសម្ដែងខារ៉ាអូខេ និងមានឈ្មោះពិតលោក គឹម តារា ។
ងាកមកដឹងពីតារាសម្ដែង គឺម តារា ដែលធ្លាប់បានបង្ហាញមុខនៅក្នុងកម្មវិធី ប្រហុក TV និង បទចម្រៀងជាច្រើនបទរបស់លោក ឆាយ វិរៈយុទ្ធ និងបានថតប្រលែងគ្នាយ៉ាងស្និទ្ធស្នាលផ្អែមល្ហែមក្នុងលក្ខណៈជាគូស្នេហាប្រុសនឹងប្រុស ហើយស្ទើរតែឈានទៅដល់ឈុតថើបមាត់គ្នាទៀតផង ជាមួយតារាប្រុសរូបរាងសង្ហាមុខមាត់កូនកាត់ចិនលោក ជា លាងឆេ។ នៅក្នុងវីដេអូ ដែលធ្វើការឡាយថ្ងៃម្សិលមិញនេះ យាយក្រវីសក់បានចោទសួរទៅកាន់តារាប្រុសរូបនេះ ជាភាសាថៃច្រើនសំនួរ ក៏មានថា រូបសង្ហាបែបនេះ តើបានបោកប្រាស់ចិត្តស្រីថៃ អស់ប៉ុន្មាននាក់មកហើយ?
ភ្លាមៗស្រាប់តែតារាប្រុសរូបនេះ ធ្លោយមាត់និយាយថា ធ្លាប់បោកប្រាស់នារីថៃអស់ច្រើននាក់មកហើយ រាប់មិនអស់ទេ ទាំងគេធ្លាប់បោកចិត្ត និងបោកចិត្តគេវិញ ពោលគឺ បោកទៅបោកមក ។ បន្ដមកទៀត លោក តារា បានឆ្លើយទៀតថា ចំពោះតម្លៃខ្លួន គឺអាចចចារបាន ទាំងតម្លៃត្រឹមមួយយប់ ឬទៅតាមពេលវេលាដែលនិយាយត្រូវគ្នា ។ ការធ្លោយមាត់បែបនេះ ត្រូវបានអ្នកគាំទ្រសង្ស័យថា ប្រហែលតារាប្រុសរូបនេះ ឧស្សាហ៍ត្រូវបាននារីប្រទេសថៃ ចចារតម្លៃខ្លួនហើយមើលទៅ។
តែគួរឱ្យជ្រាបផងដែរថា ឌីជេ Mike Joy ត្រូវបានគេដឹងថា ជាប្រុសស្រឡាញ់ប្រុស ដែលធ្លាប់ធ្លាយរូបអាក្រាតនៅលើបណ្ដាញសង្គមកាលពីពេលកន្លងទៅ ហើយកាលអំឡុងឆ្នាំ ២០១៧ ទៀតសោត លោកធ្លាប់បានសម្ញែងស្នេហាផ្អែមល្ហែមជាមួយតារាប្រុស ជា លាងឆេ និងធ្លាប់បានទម្លាយរូបភាពPre-Wedding ទៀតផង រហូតដល់អ្នកលេងបណ្ដាញសង្គមនិយាយថា «Congratulations ប្រាឌើ លាងឆេ ដែលទីបំផុតបានយល់ច្បាស់ពីខ្លួនឯង!» ដែលធ្វើឱ្យអ្នកគាំទ្រជាសុភាពនារីទាំងឡាយស្រងាកចិត្ត និងស្លុតអារម្មណ៍ជាខ្លាំង៕
ទស្សនាវីដេអូឃ្លិបដូចខាងក្រោមនេះ៖
