មុននេះសារព័ត៌មានថៃ tvpoolonline បានចេញផ្សាយថា តារាសម្ដែងស្រីកំពុងល្បីល្បាញឈ្មោះកញ្ញា បេឡា រ៉ាណី បានទម្លាយរឿងថា នាងធ្លាប់ត្រូវជនខិលខូច បន្លំថតរូបភាពក្រោមសំពត់របស់នាង ខណៈដែលនាងកំពុងតែទទួលការស្វាគមន៍រាក់ទាក់ពីសំណាក់អ្នកគាំទ្រ នៅកន្លែងសាធារណៈ ។
កំពូលតារាស្រីក្នុងរឿង បុព្វេសន្និវាស រូបនេះ បានប្រាប់អ្នកសារព័ត៌មានថា ជនខិលខូចនេះ បានបន្លំខ្លួនជាអ្នកសារព័ត៌មានមហាជន ហើយបានព្យាយាមចូលមកកៀកៗនិងរូបនាង ដោយប្រើល្បិចខិលខូចបន្លំថតរូបភាពពីក្រោមសំពត់របស់នាង ។
តាមការបញ្ជាក់របស់ប៉ូលីស ឲ្យដឹងថា នៅថ្ងៃទី 25 នេះ សមត្ថកិច្ចចាប់បានបុរសខិលខូចខាងលើ មានឈ្មោះ ណៈវុទ វង់វឌ្ឍណាកនឆៃ ដែលបានបន្លំថតរូបភាពក្រោមសំពត់តារាស្រីល្បីៗ រួមទាំង កញ្ញា បេឡា រ៉ានី ផងដែរ ៕
