តារាល្បីៗជាច្រើនដូចជា Lady GaGa , Kim Kardashian , Rainn Wilson Melissa Etheridge ក្នុងចំណោមមនុស្សរាប់ពាន់នាក់ ត្រូវបានជម្លៀសខ្លួនដោយសារតែភ្លើងឆេះនៅរដ្ឋកាលីហ្វ័រញ៉ា និងបន្តរាលដាលទៅកាន់ Malibu, Calabasas ។
ក្នុងចំណោមពួកគេផ្ទះរបស់តារា Caitlyn Jenner នៅ Malibu ក៏ត្រូវបានភ្លើងឆេះ ។ ប្រជាជនដែលរស់នៅក្នុងតំបន់ម៉ាលីប៊ូ ត្រូវបានជម្លៀសចេញទាំងស្រុង ហើយតារាចម្រៀង Lady Gaga ក៏បានបញ្ជាក់ដូចគ្នាថានាងបានជម្លៀកនាងកាលពីព្រឹកមិញ។
Kim Kardashian បាននិយាយថា នាងបានចុះចតពីយន្ត ក្រោយមួយម៉ោងនៃការទទួលពានព័ត៌មាន ដោយប្រមូលគ្រឿងសង្ហាររឹម និងវត្ថុមានតម្លៃ ដើម្បីជម្លៀសចេញ នៅតំបន់ Calabasas ។
Kourtney Kardashian ប្អូនស្រីរបស់ Kim ក៏បានជម្លៀសគ្រួសាររបស់នាងចេញពីតំបន់ Calabasas ខាងលើផងដែរ។
Will Smith បាននិយាយថា ផ្ទះរបស់គាត់មានចម្ងាយពីអគ្គីភ័យ ៨គីឡូម៉ែត្រ ដែលធ្វើឲ្យលោកមានការព្រួយបារម្ភ នឹងបានត្រៀមខ្លួនជម្លៀសគ្រប់ ពេល។
Orlando Bloom បានសរសេរនៅលើបណ្តាញសង្គមថា នេះគឺជាផ្ទះខ្ញុំកាលពីពីរម៉ោងមុន ។
គួរបញ្ជាក់ផងដែរថា ភ្លើងឆេះព្រៃនៅខាងជើងកាលីហ្វ័រញ៉ានេះ បានធ្វើឲ្យមនុស្សជាង ៣ម៉ឺននាក់ បានផ្លាស់ទីលំនៅ និងមានមនុស្សជាច្រើននាក់ បានស្លាប់ និង លំនៅដ្ឋាន ៦ពាន់ ត្រូវបានដុតបំផ្លាញ៕
